6-5-2020
今日番工既時候遇到兩件關於社署既事好戇居，所以忍唔住要喺呢度寫低。
第一件事當然係關於政府新果個重用口罩。先唔好講重用口罩背後懷疑嘅利益輸送問題，本身呢一種口罩派畀老人院已經係一件好唔合理嘅事。
- 呢一排其實社署都有免費派發口罩比老人院，每一次拎口罩都需要院舍職員去拎，但今次佢居然係搵人送去每間院舍，咁唔係即係話之前要人地去拎係多餘，又增加大家感染風險咩，同時又想做SHOW去話比其他人知「今次為咗確確實實證明所謂公堂用得其所又有效率」而做。
- 佢派到嚟到底係想被邊一種人用呢？根據專家意見其實重用口罩有如內衣褲一樣，而且需要去老人院或醫院嘅人係唔合適用，咁即係話家屬已經唔可以用嗰個口罩咁。老人家亦都唔啱用啦，因為老人家去醫院覆診嗰陣時就係唔適合用，如果佢係打算外出食飯或者去其他地方度玩再返嚟的話，佢用果個重用口罩會要邊個幫你洗呢？洗完之後係咪確保真係好乾淨唔會有細菌留低喺度口罩上面，從而惹到其他身體較差嘅老人家受到感染？加上佢哋其實比較少出街，咁即係話每一次外出用即棄口罩其實更加好，咁即係話又係唔啱用啦。咁如果係比職員的話就更加大鑊，即係話佢幫咗老人院嗰個老闆慳錢，因為佢可以重用就唔需要提供即棄口罩，而職員用口罩嘅時候其實都係好難搞，例如幫佢哋換片又或者沖涼嘅時候，有機會畀屎尿等排泄物及身體其他分泌物濺到口罩，到時候個口罩仲應唔應該抌咗佢？
- 打開個口罩就睇唔到有任何銅心係入面，銅芯可以彈走細菌病毒，咁我地係唔洗食藥，人人抱住電線即刻可以啦。
講起派口罩就係講到第二樣我覺得社署戇居既事，話說社署會派口罩果陣，依家都有啲進步會用電郵通知，但係果個邊就就有職員要求我地收到電郵之後，要即刻用電郵佢回覆佢話收到。問題就嚟啦，院舍邊度會好似佢哋嗰班靠年資上位、坐喺辦公室電腦枱前面UNUN腳嘅職員可以隨時check電郵，然後仲要即時回覆到佢呢。第二係電郵本身就係如果你唔存在呢一個電郵地址的話，就唔能夠傳送成功，系統亦提醒你去check一check個電郵地址。如果你已經send過出去，你嗰啲電郵地址亦都會有快速列表彈出嚟畀你去快速選擇。咁我哋呢啲院舍收到嗰啲電郵嘅時候有咩需要要即刻回覆佢話收到呢？如果我傳送到收到呢個電郵畀佢，佢又應唔應該send返一個收到你嘅收到嘅電郵畀我哋呢？你話佢哋呢啲所謂嘅職員連最基本嘅科技知識都唔知，仲可以喺現今社會度霸住呢一啲高薪酬厚職，根本就係連累社會發展，拉慢社會進步，令到後生仔無法上位嘅罪魁禍首，簡直係垃圾。
