大過了, 快門也少按了

記得我第一次擁有自己既相機係中五果年臨LASTDAY急急咁買, 買左部SONY既DC仔, 即刻同所有我想合照既人影相, 當時部機可以用TOUCH, 仲係上面畫野, 當時未有IPHONE既時代, 已經覺得好高科技, 所以都做左好多同畫左好多無聊野. 但最無聊都係我搵左26個人同我合照26個英文字母, 宜家睇番D相, 我每張合照既表情都係一樣.

到17歲果年啦, 提早考完試, 準備去歐洲先前, 買左部新既NIKON, 我冇記錯好似係D5000, 因為個MON可以轉去自己果邊, 方便自拍, 到果邊之後, 我不停影, 基本上我每日都影超過1,000張. 不論大小, 就係不停咁影.

番到香港, 可能因為試左一個人去咁遠, 自信都爆一爆, 即刻就去識女仔, D女仔都覺得比我影相會好正, 最正都係可以一齊自拍, 一拎起相機, 所有人都衝過黎, 最正係影果陣大家可以即刻睇下自己個樣靚唔靚呀麻. 係電話前MON仲係100萬像既時候, 我部相機係唯一可以做到呢個效果. 而且被我影果D大多都會自然有POSE, 所以果排我既人像相係最好睇.

過左果段時間, 我因為扮係想忘記過去既畢事, 所以換左部OLYMPIC既DSLR, 點知得果4分1片幅, 即係你企係度只可以影到你前面一半既影像. 你話唔火咩, 所以基本上我去旅行都唔會用佢黎影. 但呢段時間我去過D班學影相, 以前用直覺影相宜家真係開始有少少技巧啦, 大概唔覺得靚既就真係寧願唔影.

到近排, 終於買左部最想買既CANON 5D MARK III, 影得真係好好多, 但呢個時候, 我發覺我好多時候以前會影既細位, 我已經唔會影, 因為我知道上網可以睇番果個位, 又唔係靚, 唔影. 大相影好多張, 但留低既只有幾張我最滿意. 人像已經唔係想影, 因為一係佢就固然擺POSE, 一係就唔敢咁做, 所以點影都唔好睇. 久而久之, 即使見到好有趣既野, 我都唔太影按快門, 除左D真係好特別, 係咪我唔再中意影呢? 但我又覺得唔係. 或者我已經了解到, 回憶要影低果陣, 你已經變左做局外人, 而且始終要放係心, 人先會拚死記住.