其實開餐廳某個角度黎講都幾變態

人其實真係好奇怪, 記得以前我睇記錄片果陣見有一隻甲蟲, 佢一生就係由樹底爬上樹頂, 將遇到所有同性既甲蟲打落樹下, 然後走到最上同異性交配之後死去.

對大部分動物黎講, 冇血緣既同性只會係敵人, 冇血緣既異性只係用黎交配, 一生都係得食野, 競爭同性交, 感覺上好似某部分著老西既城市人.

人類對冇血緣既同類黎講, 有友情愛情其實真係好奇妙. 但更奇妙既係人開餐廳.

可能有人問, 開餐廳有咩咁奇妙? 你諗下我地食既野,唔係全部都係屍體咩, 其實我地每一日都接觸死亡, 每一日都有大量既生命體為左只係加長我地幾日既生命而犧牲左一世, 但我地食野果陣, 仲有繼續浪費, 繼續同自己家人朋友談情說笑, 而且仲要將呢個生命既屠宰場裝潢得美輪美奐, 而冇諗過我地既生活其實幾咁血腥!