遊戲王009 - 5DS (幸運盃決鬥篇)

9-11-2015

同調召喚! 遊戲王係由呢一輯開始, 每次召喚王牌卡等等都要講一大段野, 好似<BLEACH>用鬼道咁~

幸運盃決鬥篇即第1-26集

P.S. 因為呢兩年我實在搵唔到有咩地方睇到5DS中文字幕版, 所以係YOUTUBE度睇英文字幕版, 聽日文睇英文真係累到HIHI都未必明佢講咩~



如上次所講, 新童實野町分TOP同COMMEN, TOP就高高在上, COMMEN則只能住在地下, 有D甚至不見天日. 呢點同我地香港差唔多.

5DS除左用D輪決鬥之外, 亦會進行過去站立式既決鬥

今次最主要都係講紅龍, 到底佢係咩, 宜家都仲未知, 只知道當兩個龍誌人召喚出佢地既王牌龍既話就會導致紅龍出現, 呢條紅龍帶動出既力量相當大, 背後有好多人都想得到佢~

幸運盃決鬥, CITY只有一個, 呢句係ARC-V既幸運盃決鬥口號, 一樣既係係呢個5DS入面既幸運盃最後都係為左打贏KING-傑克!

呢個我冇誤會錯就應該係<ARC-V>ENJOY萬次郎既原形吧~

傑克其實係做KING之前有中二病, 一直都以為自己係王, 但好彩既係佢比治安維持局睇中, 決定帶佢上CITY, 我諗第一當然係知道佢係龍誌人, 第二最重要就係想靠佢係背後操控CITY既權力.

為左上位, 傑克都不惜出賣朋友, 偷左遊星既D輪同星塵龍, 加上自己既暗紅惡魔龍, 好快就屈到CITY個KING呢個位置, 不得了~

到篇尾, 遊星VS傑克, 紅龍第二度出現, 本來想利用永轉機得到佢既無限能源, 但治安局都唔係傻, 差D死架, 好危險呀! 差D變切爾諾貝爾, 所以停機.

呢個時間遊星同傑克既決鬥令到4個已經搵到既龍誌人進入異度空間, 亦都睇到係古代既馬雅都曾經有5個龍誌人運用紅龍既力量封印黑暗

傑克同遊星都有呢個, 走向勝利之道既畫面, 好似<光速蒙面俠21>咁

但對於其他睇唔到異度空間既人黎講, 一剎那, 遊星就贏左, 替代左傑克, 成為新王, 但有趣既係, 入面D觀眾既反應都幾人性, 第一時間唔係欣賞遊星, 而係覺得佢出術.傑克呢個一代王者就比伏係地下, 同<ARV-C>太多差別吧.........唔通遊矢之後贏傑克都會再出現呢個畫面??HAHAHA~

P.S.遊戲王呢個動畫最令我留意, 都係果D角色既鼻, 都好多線係度, 點解呢????