世界上有好多野其實係睇落複雜，但實際係簡單，只要知道原理，好多野都可以自己解決。
話說之前先睇下圖 :
呢個係一個好簡單既上網器加路由器
話說我呢兩個野本身係我床邊好幾年架啦, 但人地一直都話WIFI等既電子器材好多輻射, 影響人既腦部健康(未有科學數據), 之前都聽人講放一植物係旁邊可吸輻射, (我本人則覺得係因為佢會不停放出信號, 同時人腦係潛意識不停接收, 導致腦部難以休息) 結果不幾日就成棵野變黑色, 果陣都真係幾驚.
早幾日我終於有決心重新將我果埋勁亂又大塵既電線駁過, 順勢就將兩個裝置放出房外, 本來我想好完美咁跟番人地幫我駁果個狀態, 但抹多一陣野都真係邊條線打邊條線都唔認得啦
當時我都用我謹有知識, 係咁二駁好晒, 連都線仲唔成功~
但一日之後, 經常既斷線, 電話又連唔到WIFI
再之後幾日都一直出現問題, 我既方法就係拔LAN線再插, 一晚用三個鐘都應該要四五次.
到到尋晚完全上唔到網, 我果刻都諗係咪要搵人上黎整?
結果我決定打比呀A問下有咩方法搞搞佢, 佢講左卅秒, 我望左十幾秒, 駁左幾秒, 搞定了~不過一分鐘就解決左我一星期既煩惱, 呢件事上其實都有幾點既教訓比到我:
1) 當有小問題出現既時候, 應該快速處理, 決不能得過且過, 溫水煮蛙, 到亡羊才補牢, 只會後悔自己浪費左咁多時間去接受一個低質素既水平
2) 人好多時都因為表面既事情去錯估事實既本質, 呢個亦會大自然好多動物都有既「唔好處」, 尤其當你用「處理」呢個字, 你就會對果個事件有種「好麻煩呀」「好難搞」等等既先入為主感覺, 但實際上, 只要一個人唔怕麻煩, 接觸一個自己未知既領域, 往往你都會發現呢個新事情其實容易理解到不行
3) 知識係一個令人平和既方法, 試諗下, 當你覺得暴燥果陣, 你第一句係諗到咩字? 我觀察就係不停咁問「點解」, 我地需要一種統一性, 當事實同你理解既有出入, 你就會處理唔到而覺得心情難以平伏, 結果就係變得暴燥, 但當你有一個合理原因去解釋與事實之間既不一致時, 你就可以輕鬆處理果個事件.
又一個近期我工作上既相似例子: 我工作地方有好多門, 而大部分既門鎖都有鬆脫既跡象, 正當老闆唉嘆要花大量金錢請人更換有關的廿多個門鎖, 我就同佢講, 其實就似扭螺絲一樣, 用小小力就可以扭番實佢地, 點解我識? 因為早幾日我義務幫人換門鎖時請教開鎖佬. 如果我冇學到, 恐怕今穫有好多仲用得既物資會比人盲目咁丟棄.
簡單黎講, 事實通常冇想像中困難, 不妨為不同既事情問不同既人, 到你掌握左知識, 你就能改善自己或者身邊既生活質素, 我甚至認為努力學和習新事情係我地既基本義.
沒有留言:
張貼留言