碩鼠

15-12-2015

以前細個咩都唔識，只係掛住第二日上堂唔好比老師問問題
中學就諗放左學玩咩好
大學都仲對社會充滿期望
出黎做野覺得呢個世界識英雄既人少 (因為大部分老闆有既係錢、缺既係智慧) 重英雄既人仲少(因為唔係果個級數既人又點理解到第二次元既人既價值，更甚係就算知都唔比你發揮搶佢地位)

雖然我會考中國文學唔合格，但學左既野原來都仲係有印象，對於現今我對香港社會既睇法，我諗係一篇文 - <魏風。碩鼠>


我都唔知點解會浮左呢篇文係我個腦入面，但就好似有個人係我心底裡不停讀住

原文:

碩鼠碩鼠，無食我黍！三歲貫女，莫我肯顧。

逝將去女，適彼樂土。樂土樂土，爰得我所？

碩鼠碩鼠，無食我麥！三歲貫女，莫我肯德。

逝將去女，適彼樂國。樂國樂國，爰得我直？

碩鼠碩鼠，無食我苗！三歲貫女，莫我肯勞。

逝將去女，適彼樂郊。樂郊樂郊，誰之永號？

-------------------------------------------------------------

其實係呢個世界，人類總係犯同一樣既錯，幾千年都毫不改變自私呢個人性，但如果大家(特別係上層社會既人)可以分擔一部分社會責任，下層既人輕鬆D，發揮得好D，世界會更多元，更多改善既腦震盪，整體社會可以全面提升，所有人都得益。

當然呢個都只係UTOPIA，而且係忽視左人性，所以睇黎我應該要改變少少自己價值觀，用更踏實既方法係呢個世界建立我心中既烏托邦。

1) 更確實將自己計劃用行動實行

2) 不空口自說，直接將意見提出給有關方面

3) 接觸更多新知識

因為實在太多次，真係唔想再自己講完既野，比人地做左先。