PART6
皮: (想伸手阻止) 唔好呀
美: 我唔想死呀, 你重你既兄弟情, 關我咩事?
友: 我已經決定左啦 (對美) 對唔住
美: 唔好同我講笑啦, 我要繼續生存落去 (想打友黎搶走佢枝槍)
友: (一手打開美既手) 亞皮, 你要同呀玲好好生存落去
玲: 唔好呀, 我地一定有方法一齊出去架
皮: 冇錯, 我地…打爆個咪, 冇得定規則, 我地就唔會犯規
(畫面呯一聲友倒下了)
玲, 皮: (跑上前) 友!友!唔好死呀!
(畫面友既身體消失左)
美: (跑去撞門) 我要走呀, 我唔要死係度呀, 放我出去呀! 呀! (之後消失)
皮: (喊) 點解? 點解要咁傻呀?
玲: 唔好咁啦
皮: (繼續喊)
玲: (捉住比隻手) 仲有我係度, 無事既, 我地可以出去架
皮: (喊)
(畫面玲扶住比行出門口)
咪聲: (玲想打開門口同時) 咳….咳…咳…等一等
皮: 仲有咩要同我地講呀? 我地已經贏左, 可以出去呢
(畫面比想開門開唔到)
玲: 點解? 我地贏左架啦, 你想反口呀?
咪聲: 又唔好咁講, 原本既規則係暇後一個人, 我只係修正番姐~~
皮: 你個衰人! 你仲話自己係神, 邊有神會咁樣對人架, 你只係一個自戀既變態佬~
咪聲: 唉也也~亂咁鬧人唔得呢, 我一早都講左架啦, 我中意點改規則都得, 因為我係神
皮: 呀!!!! (拎起張櫈車爆個校咪)
玲: 亞比, 算啦, 反正佢都講大話, 我地就留係呢度啦
皮: (喊) 對唔住, 我明明應承過你要同你一齊出去
玲: 唔緊要啦, 可以同你一齊死, 我已經好幸福架啦, 我…我愛你呀
皮: 我都愛你呀, 對唔住呀, 真係對唔住呀
玲: (摸皮既頭) 冇事既
皮: 早知我一早同你講, 咁我地咪可以早D係埋一齊
(畫面皮幻想住「如果早知一齊所經歷既畫面」)
玲: (微笑)嗯, 我都好後悔點解唔一早同你講, 或者佢真係神, 所以神要帶比我地報應
皮: 嗯
(畫面過左一陣比訓左係玲懷裡)
(玲慢慢將皮既頭放下)
(拎起把槍望住亞皮)
玲: 果然都係想你生存落去
(呯!)
(畫面皮醒左, 成間房好靜好黑)
皮: 呀玲!?
(門口慢慢打開)
(皮既樣好似發覺到D野)
皮: 呀玲! (跑出門口周圍望左一陣) 呀玲! 唔通…(跑番班房入面) 見到呀玲既校服)
皮: (嘂) 一個二個都講大話, 唔係講好左一齊出去架咩
(皮拎住玲既校服喊左一陣)
(走去拎起枝槍想自殺, 但係因為獎勵所以冇死到, 再開多一次)
(卡達, 沒有彈)
皮: 哇!!點解! 呢D叫獎勵咩!? 點解要咁對我, 其他人死晒得番我有咩用呀! 點解死都唔比我死呀!
(皮跑出班房想跳樓, 但發現有人係樓下望住)
(皮落番黎追上去)
(一直追追到自己屋企)
皮: 呢度係…
(皮開門)
皮: 呀爸呀媽, 你地係唔係度呀? (搵唔到其他人)
皮: 點解會咁架, 我唔係已經番左原本既世界啦咩? D人去晒邊呀?
(畫面電視突然開住雪花畫面, 傳出聲音)
電視: 最後一個遊戲, 狄亞比先生
皮: 我唔係番左原本既世界咩? 其他人係邊呀?
電視: 呢個遊戲係有獎問答遊戲
皮: 快D答我呀!
電視: 問題, 如果用你條命黎換番一個人條命, 你會換邊一個?
皮: 下…(腦中有不同既回憶)
電視: 點呀?
皮: 如果要其他人黎玩你呢個永無休止既遊戲既話, …我寧願自己留番係度
電視: ……
皮: 聽唔聽到呀…
(畫面電視關了, 房傳出腳步聲)
皮: 係邊個?
(畫面人慢慢行到出黎, 皮睇到呆了)
皮: 點…點…
(畫面原來果個人既樣同皮一模一樣)
皮: 你到底係邊個?
神: 我? 我就係你
皮: 你係我?
神: 我就係神, 亦都係你
皮: 唔好講笑啦, 你點會係我呀, 我唔會殺死自己D朋友架
神: 咁係為左保護你
皮: …
神: 等你有足夠既能力去做呢個世界既神
皮: 你講咩呀?
神: 一個只屬於你既世界既神
(神變出尖牙, 飛奔向皮)
(畫面慢慢向上拉: 原來皮比一開始既私家撞飛)
友: 快D報警呀
(其他人係度影相)
友: 快D呀! 呀皮! 呀皮!
(畫面變成了電視中的影片)
A: 下…咁就完啦, 呢個咩結局黎架
媽: (拍門) A, 你又通宵唔訓睇電腦呀
A: 唔係呀, 今日早起身炸
媽: 仲講大話, 信唔信我今個星期唔比錢你呀啦
A: 洗唔洗咁呀?
媽: 咩唔洗咁呀, 你睇下宜家幾點?
A: 呀~就遲到啦, 早咩唔早D叫我呀
媽: 你自己唔識睇中架
(A換衫踩單車番到學校)
(老師準備關門)
A: 呀!等埋呀!
老師: 你又遲到
A: 唔係遲到呀, HAHA係岩岩好
老師: 快D番埋位啦, 下次再咁敏, 我當你遲到架
A: 係
(老師關門, A察覺有D唔妥)
A: 唔…(睇一睇個咪)
(咪發出咔噠聲)
故事完
沒有留言:
張貼留言