PART 6
(畫面:
署長在一個晚會演講)
(畫面:
演講完,
署長坐下,
下屬走過黎係署長耳邊)
下屬: 新一批貨到左啦
(畫面:
署長示意,
下屬退下,
署長繼續同同台人士有講有笑)
(畫面:
過左一陣,
下屬再走過黎,
係署長耳邊)
(畫面:
署長聽完之後有D驚訝)
署長: (微笑)唔好意思,
我去聽個電話先
(署長轉身走,
拎埋下屬手上電話,
下屬跟住走)
XXXXX
(畫面:
署長係一邊)
署長: (怒)你地點做野架?
唔係叫你地好好睇住場架咩?
電話: 署長,
你宜家都係快D番屋企,
我地要加強保護你
(署長收線)
XXXXX
(畫面:
署長番去位果邊)
署長: 真係唔好意思呀,
我突然有野做
同台: 咁快
同台: 飲多杯先走啦
署長: (微笑)唔啦,
走先啦~
同台: 我單野就靠晒你啦,
署長
署長: OK啦~
(署長轉身走,
下屬跟住走)
XXXXX
(畫面:
下屬駕車去到署長家)
XXXXX
(畫面:
好黑,
署長開門入去)
署長: D人死晒去邊呀,
又話增加守衛,
一個人都冇
(署長開燈,
明企左係度用槍指住署長)
明: 你番黎啦,
等你好耐~
(明拎電話示意)
(畫面:
署長明白原來係明打電話扼佢番黎)
(畫面:
守衛拔槍指明,
強從邊走出用槍指守衛)
(守衛慢慢放低槍,
強踢走枝槍,
之後去關門)
XXXXX
署長: 你就係佢地所講,
係度查緊我地既人呀?
明: 無錯,
你地D罪證我已經全部係手
署長: 你有D咩證據呀?
明: 我地既同黨已經入侵左總部,
然後SD左比我地啦
署長: 哼…幾犀利,
但你地已經走唔甩啦,
好快就會有人黎捉晒你地
明: 睇下到時你仲有冇命
署長: 你宜家想點?
明: 我想點?
我想碎你屍呀
強: 我地要知成件事係點架,
果D文件話捉D人去屠場度去做肉片,
點解呀?
署長:
咪就係好似D文件入面講果D囉,
我地捉D人就係要將佢地製成肉片出售
明: 你地為左賺錢就要殺人
署長: 賺錢!?
哈哈哈
(明強奇怪)
署長: 就係你地呢D城市豬,
咩都唔知係度扮正義,
你以為我地人類真係仲有咁多野食呀?
明: 點會冇呀,
每一日都有肉由世界各地運過黎
署長: 你地諗清楚先啦,
你地唔覺得點解世界人口自從世界大戰過左之後急速增加,
但到近年就慢左咁多
XXXXX
(署長開始解釋)
署長: 由二次世界大戰結束開始,
呢個世界開始安定落黎,
而且科技發展,
人口除左越黎越多,
年齡亦都越來越高.
去到八十年代初,
世界各個政府都開始發現食物既供應好快就會去到一個危機,
於是聯合國就係暗中聯合多個國家去研究搵出有效既方法解決.
署長: 有D就研製左D肥仔針,
有D就用生化肥料,
但係呢D都係追唔上人口既增長,
加上醫療既負擔又開始重,
於是佢地終於就組成左個小組,
將一D對社會冇咩作用,
甚至增加世界負擔既人製成肉片比番D人食.
除左開拓新既食物來源,
又可以減少食物既需求,
我地係環保既先驅,
哈哈哈
XXXXX
明: 果D係人黎架,
你點可以咁架?
署長: 人咁又點呀?
明: 人有感情架,
你地有冇道德架?
署長: 放屁,
講咩道德呀,
人類就係咁自大,
以為自己可以駕馭大自然?
明:…
署長:
唔好唔記得人類都係大自然一部分,
同為同一個食物鏈,
點解我地可以順時順地去打死D動物,
但係如果D動物攻擊人既時候,
我地又話佢地係怪物,
要殺死佢地,
咁人類呢……做既野唔係比野獸緊加兇殘
強: 我地係保護自己,
但你地做緊既野係殘殺自己同類,
人地話虎毒不吃兒,
你地直情9過D禽獸
署長: 唔好咁天真啦,
你地班蝗蟲!
強:…
署長:
我地做政府既努力為左你地D市民可以保持生命,
但係你地只係識話政府咩唔得咩唔掂,
你地有冇比到解決方法呀!
強: 一定有其他方法架,
宜家話有D試管牛肉架
署長:
(恥笑)果D試管咪又係用人肉,
只係合理化左佢地,
等D市民有野食姐
明:…呢D係你地既責任,
你地應該要研究D新方法
署長: (恥笑)
新方法,
你教我地呀,
你以為咩叫科研,
科研即係唔知幾時有成果,
就算係宜家用呢種方法,
供應都依然係咁緊張,
睇黎我都要反映一下,
再捉多D人…
明: 你..你宜家真係痴左線啦
署長:
唉…我都知你地對呢個社會冇咩貢獻,
冇解決方法但係又要諸多阻撓
明強:….
署長: 不過你地死左之後,
個身應該都餵得飽好幾個家庭既
(明強心知不妙)
XXXXX
(畫面:
幾個持槍守衛衝入黎,
即刻開槍)
(強馬上拉走明)
強: 走啦
明: 呀~~~~
(署長係度大笑)
署長:殺死佢地
明: 也~
(明停下轉身拔槍射死署長)
(守衛開左幾槍)
(強去幫明擋,
中左好幾槍,
但一直推住明走)
(守衛去追)
XXXXX
(畫面:
2人去到後巷)
(強頂不了,
跪下,
明轉身抱住強)
明: 呀強,
你冇事呀嘛
強: 有你呢個老死,
點會冇事呀
明: 呀強,
對唔住,
拉左你入黎呢件咁既事
強: 哼…
你傻架, 你既野就係我既野,
何況呢件事係影響左整個世界,
我地一定要話比D市民知,
唔可以令佢地蒙在鼓裡 (就死)
明: 呀強
(畫面:
有守衛發現)
守衛: 喂,
佢地係呢度呀
(明開槍,
守衛縮,
明拉著躺下的強)
強: 你走啦,
我唔得架啦
明: 唔可以呀,
我唔可以再失去我身邊既人啦
(好多守衛黎到)
強: (叫)走呀!
你宜家條命好緊要,
你要爆政府大穫架…
明: 咁….
強: (叫)
走呀!!
(明無奈,
轉身跑)
PART 6完
沒有留言:
張貼留言