pokemon go 001 - 偷雞升LV5

20160709

話說早幾日，NIANTIC終於出POKEMON GO啦，大佬呀，等左成年幾啦，咁岩係討論區見到，緊係要DOWNLOAD個APK落黎爽下先啦~有見小智参加港男，我都要努力成為精靈訓練員啊!!

咁咁岩我係街度就開始玩啦，可以睇得出比INGRESS仔細，連人行既路都有，同埋每個設施都係唔同顏色咁分左出黎，下圖藍色就係街站
 

一開始會叫你化妝，不過其實都唔多咩野選擇，係得帽、鞋、衫、背包、頭髮顏色、皮膚顏色、眼珠顏色比你改，而且每個都係得兩三個選項，所以變化其實唔大

  

咁一開始你有55個精靈波，你升LV或者係街站都會有得拎，暫時每升一LV就15個波

每捉一隻精靈都有EXP，另外我估對打，做埸主都會有EXP，咁我爽爽手咁捉左20隻就升到LV5

升到LV5之後，就可以去打GYM，所以同一時間你要選擇TEAM啦，有紅、藍、黃，分別係歐西里斯隊、奧比利斯隊同拉翼神龍隊(笑)，唔知呀，其實我冇睇寵物小精靈，因為我鐘意數碼暴龍多D!

上圖紅色一大舊就係GYM，佢之所以係紅色，係因為紅色TEAM既人做左場主囉
正當我努力算到LV5又見到有冇人既GYM呢~WOW，即刻狗衝過去!! ~~??點解LOAD唔到???，咁就緊係REBOOT睇下係咪要用幾千蚊換電話。

點知再開已經係上面果個畫面，上網睇先知，原來原本佢係想係澳洲試業先，點知WEB2.0既速度咁勁，就全世界一齊黎，唔洗4舍鐘就死左SERVER。HI! 所以佢即刻封左澳洲以外地區IP，之後一日一地咁開蝸，但打呢個POST之前，我又睇到個公報，班友太痴線，逐步開都頂唔順，所以全世界通玩既設定要再延遲......

上圖係我係頭半個鐘入面捉到既妖孽，有人話CP係捉出既難度，我覺得CP同時係升怪既EXP，因為有得食野算既。

 

咁POKEMON GO一樣有章玩，17個章，有時間先慢慢翻譯點拎啦，總之我宜家有果個係捉到10種怪就有啦!

最後因為INGRESS比我既經驗係，拎住電話周圍走咁耐，對手肘好累好痛，所以就準備左個架比我放電話用，下面就係預想圖:

 不過個架其實都幾重下，到膊頭累啦，要諗個好D既形狀先得。