pokemon go 005 - POKEMON大遷徙

20160730

今日我同查理突登夜晚去天秀見識下當地既熱鬧，結果除左有好多平時罕見既精靈之外，仲見識到訓練員同大媽之間既和諧(舞照跳、機照打)，最重要既係我地親身加入左POKEMON大遷徙。

上圖是晚上9:30拍



今日我地捉捉下見到人群突然向門口走，正所謂執書行頭慘個敗家，我地都要跟起去，但咩都唔知既我地係咁問人都冇人答，不過我地都係問到人:

「請問到底係捉咩呀?」

「奉神犬呀!」

嘩，咁就真係要捉啦，我地就開始跑跑跑，跑到天逸兩間學校之間，所有人都有如WALKING DEAD見到生人一樣，不停向前迫並盡量將自己部機推向前

「我有三百幾CP呀」

「我有八百幾呀」

「我頭先見到個細佬有千幾呀」

我迫到啦！我行到一邊睇，HI! CP40咁少，送粒提子比你食再用ULTA BALL收你先，但世事不如人意，旁邊既人不停叫好野，亦有人喊咁口，我就靜靜地隨住奉神犬走甩，我都番去啦。

 

到呢一刻我明白到點解POKEMON GO熱潮會過，有人話係因為香港人怕悶同懶，但其實係遊戲已經係進行左一半，即係例如如果我已經有奉神犬，我今晚都唔會為左奉神犬而跑，所以呢樣野其實呢樣野唔關咩玩家事，而係只係自然既事。

 

話說我尋晚係摩士公園miss左啟暴龍，灰左我一整日，正諗住係朗屏捉隻單身四十年之際，我貴人話有隻好得意既暴龍，一聽之下已知不秒，拔足狂奔，用兩個great ball係朗屏巴士總站，可悲的是貴人冇波捉唔到，尋晚千人迫上摩士公園，今日二人狂奔巴士總站，相比之下，呢度沒有震天既歡呼聲，顯出呢隻啟暴龍既孤單。

BTW，其實有幾多人知道啟暴龍係可以自己進