遊戲王014 - <次元的黑暗面>電影後感

9-10-2016

遊戲王20周年了，所以出了電影版說法老王走了後各人的去向，可以說是後傳吧，今次不只是香港第一次上遊戲王的電影，更是有卡送。

 大家都知，就有野送而場數又有限的話，就會出現炒家、明明得一個又買好多場既人、走後門既人(以上都係估計，冇證據)，即係簡單黎講就係好難買到票啦，但係我就係搵左個好幫手幫我，雖然其實我地都一早放棄左，但佢就係唔知點解過左4個鐘一拎起電話就係買到票既畫面，所以就係緣份~



 以下係我拍左一段片講感想同開卡過程：



 「青眼之亞白龍」


但都仲有一樣野係好想講，海馬出既第二代決鬥機既概念係用左大數據、雲端同數據植入。前兩個唔洗講，係現代人都知係咩黎，後面果個係一個幾有趣既諗法。

首先要知道人既眼球本身係睇唔到野，只係可以用黎收集光，我地之所以「睇」到野係因為眼球收集左既光傳到腦果陣被分析，然後再係腦入面顯示視覺影像。基於呢個邏輯，其實盲唔一定係眼球受損，而係傳送部分有問題，即係眼球收集既光送唔到去腦度就會盲，亦即係話只要傳送到有關既光數據去到腦度，就可以「睇」到野。


事實上，宜家係有相關既發明，就係用攝影機鏡頭收集，再將數據經舌頭送到腦，腦就會自動將佢分析成視覺既資料，咁用家就可以用舌頭「睇」到野啦~

http://makerflux.com/tongueduino-provides-extra-sensory-input-to-the-tongue/

海馬既第二代決鬥機就係用類似既方式，剌激腦部視覺區域，從而令用家「睇」到立體影像，呢個就咁睇其實都有機會成真，但另一個功能就難講D啦

第二個功能係倒番轉收集用家腦部記憶，SD上雲端再用大數據分析，宜家科技應該冇咩可能做到呢一點，因為腦部係好複雜既部位，決鬥機第一個功能做法係放數據入去，腦部自己分析，呢個本身係腦做到既事，但第二個係要我地已經掌握到人腦指定記憶位置，又同時要有能分析到有關數據既機器，仲有各式各樣唔知係咩先可以做到既野。

但我想講既係，呢個概念真係好正，漫畫永遠都係人類展現未來可能性既一個有效平台。