pokemon go 006 - 深夜狂奔

30-9-2016

經已好耐冇玩POKEMON GO，因為宜家工作每日都十一個鐘，來回都一個鐘，放假又要做其他人，個人經已好攰，不過尋晚為左隻方塊獸，都係落力跑左一大段~

話說方塊獸係冇野進化出黎，即係你只有兩個方法有，一就係孵5KM蛋，另一個就係要捉，

 我宜家必先要承認一點，我係有睇「地圖」呢個習慣，所以我知道我已經錯過左方塊獸兩次~

 第一次係約左人去捉精靈，係選擇去荃灣西定青衣之間，我地去左青衣，然後我個FD因為GPS問題飛左去兩地之間既河中，就見到方塊獸既黑影，一上去睇，原來隻野係荃灣西，係正河既對面，果一個距離我係會跑，但考慮到中間隔左條河而我又唔係耶蘇的話，我唯有迫住放棄~

 第二次係尋日收工果陣，我約左人係九龍塘，所以我係上水上車搭東鐵，當我去到太和站睇「地圖」果陣，就發現隻野係上水火車站出現，你話火唔火!

 所以我係上左尾班車番屋企都好，我見到佢係元朗公園之後就毫不猶豫咁落車

起點係上圖右邊，終點係上圖左面，得番十分鐘時間，約1.7KM

 好啦~跑!

 起步唔夠一分鐘就已經冇氣啦~但我都係忍住繼續~去到一半距離果陣，我真係跑唔旭，時間得番5分半，佢亦冇因為我冇力而慢落黎等我，係呢次我真係想放棄，但腦入面出現左一幅圖

FROM光速蒙面俠 21第11卷

FROM光速蒙面俠 21第11卷

 就係上圖網乃合成人隊既角衛角口經「理性分析」後認為不可能接到既長傳比門太接到

 「是否會出現『放棄』的想法，這就是心中想法的差距」

 得番5分鐘唔係一個問題，問題係我仲想唔想跑，想唔想放棄，答案係NO! 所以繼續跑!
最後都成功捉到~~