最近諗緊有咩題目係可以錄音，又唔係純娛樂或者教育，係要D有意義既，咁就諗起其實香港政府係定期有D諮詢文化比公眾發表意見，呢D唔係正正係一個好題目咩!?雖然政府好有機會會意見接受，做法照舊，但作為一個冇背景，只可擔心自己基本生活，又想發聲為社會做番D野，睇怕答晒呢D諮詢文件的話都算係一個做法。更甚既係可以做一個「唔洗R爆頭先諗到題目」既錄音節目。
暫時我試錄左一集，個名就跟番自己之前係呢個BLOG用既系列名，EP1既TOPIC係「加強規管人對人促銷電話」，有關文件係以下:
http://www.cedb.gov.hk/ccib/chi/paper/pdf/Consultation%20Paper_C.pdf
係31-7-2017或之前將意見EMAIL去p2pcalls@cedb.gov.hk就得啦
總結我既意見:
A)我認為有關規管應先以非立法形式制訂，因為立法的時間需時，成本過高，應該先以非立法規管使業界和市民習慣應有的模式，及後再考慮以立法方法正式規管。
C)WHY NOT BOTH? 兩個方案同時進行並無抵觸，個別行業的規管是就行業方面的，過濾應用程式為市民方面的，兩方面同時進行才會事半功倍。
D):
1)增加會用到促銷的「個別行業」的類別，例如美容業，並增設「其他行業」以避免日後有新興行業會免受規管
2)促銷者必須向接聽者提供其稱呼和有效的聯絡方法，而每次通話亦必須錄音
3)假如接聽者要求下，促銷者必須說明其個人資料的資料來源
4)不可用電腦進行電話促銷，必須以真人通話
5)限制致電時間，當電話接通又未有接聽的情況維持某一段時間後就要掛線，以免長時間騷擾人
6)用牌照制度，只有向電管局申請一個牌照後的公司方可進行電話促銷
7)採用計分制，由政府記錄市民投訴，並定期各公眾公佈「最騷擾人的電話促銷公司」，以阻嚇有關公司遵守有關規管 (如用此方法，敬請不要列印書面的公佈結果，二十世紀了，用網絡和電視公佈，不要浪費紙張和金錢)
*如果大家有時間有意見，不妨留言比政府
沒有留言:
張貼留言