電影009 - the truman show

28-12-2018

<the truman show> (1998)

 

今次係我睇第三次，第一次係細個睇明珠台，果陣係明白到原來呢個世界有機會係假既。第二次係自己DL黎睇，果陣就認為佢係講神同人之間既關係。第三次係今次買碟睇，最新既理解係套劇可能講緊係父子間既關係。

同之前既記憶冇咩大分別，即係證明每個畫面都令我好深刻。「保護」子女而過度管教，但當子女發現「世界」只係一個父母營造既「溫室」時，感覺到只係一個「監獄」，所以要努力逃出，然後獨立面對真正既世界。

最深刻緊係船撞到牆一刻，比喻人終於知道現實中既黑暗比保守預計既更加黑暗，起初會好激動，之後有兩個選擇，一係折返，一係繼續找尋出路。而係搵到之後，又有冇勇氣去離開「主角」呢個舒適圈呢?

雖然呢一幕不及<移魂都市>發現沙灘真相咁震撼，但已經好印象深刻。

P.S.好彩搵到呢隻碟，睇完成晚都訓唔著

P.S.入面演導演果個角色就係<西部世界>果個老威廉，好諷刺，一個係創造假既美好世界，一個係沉迷係假世界中找尋自我。