香港安老業好落後002 - 仲諗買幾多USB同買唔買MS OFFICE

15-4-2020

早兩日我公司有幾個管理層開會，我都有份旁聽，咁就討論到院舍之間點樣合作制定一套標準，然後經過45分鐘出黎，傾到一個位就係點樣備份同傳送文件。當時佢地提出兩個問題：

1. 要買幾多USB做傳送同備份文件？
2. 要買邊種MS OFFICE？

前提：佢地都係3X或以上歲數
安老院其實有好多職員都係中上年齡，有部分院舍直頭唔用電腦......YES！2020年都唔用電腦，就算老闆叫佢地用，佢地都會話寧願辭職都唔會用電腦，然後就繼續唔用。如果唔係條例限定每院必要有一電腦，我諗佢地唔會買添。咁既情況下，佢地就一係叫其他院舍幫佢地處理，一係就手寫。而備份既方法就係影印再影印，空白表格就係先用塗改液之外再影印出黎，而影印出黎既野就一棟棟咁放係貨倉，越放越多。

比較後生既院舍職員就會用USB，買幾廿隻USB放唔同既資料，但問題係當你要更新資料果陣就會亂到痴線，到底邊隻改左邊隻未改呢？用USB傳送同備份既壞處係呢個年代有幾多， 相信都唔洗我講。

所以一般我每去到一間院做，我都會幫佢地開個雲端，本人就用開GOOGLE DRIVE。但要老闆唔買USB改用雲端都唔係咁易，因為佢地真係唔識，佢地會以為D資料放上網就會比人睇晒D野，咁可能會比人公開到公司商業秘密........SAD

同一時間，當用GOOGLE DRIVE果陣就可以同時協作，更新一個就全世界(獲授權者)都可以即時知道。亦可以用又免費又OPEN SOURCE既OFFICE，連每部電腦果千幾蚊都省左，計番真係一年幾千幾千咁省。

題外話
話說有間院舍有表示社署因更新左表格，而該表格需要指某公司既最新版收費OFFICE先開到，於是社署果個職員竟然要求果間院舍去買果個公司既收費OFFICE，如果上述事件係真，其實佢地好有機會構成利益輸送，亦即好有機會犯左防止賄賂條例，我諗有時間就要SD信比相關部門CHECK下。