一拳超人005 - 最近追漫畫

23-12-2015

一拳超人第一季動畫大結局了~想先睹為快既我就一定係追下漫畫啦

到呢個時間我先知道原來負責畫果個就係村田雄介，亦即係<光速蒙面俠21>畫果個，唔怪得D畫風咁熟口面，雖然一拳超人既動畫都做得好唔錯，但...我只係想讚村田雄介既畫功比動畫更有動感，根據我睇過佢兩個作品既動漫畫比較。

P.S. 根據WIKI資料，村田雄介係師承小畑健.....講講下又真係有D似

一拳超人004 - 6蚊自製一拳超人筆 (請比D想像力)

17-12-2015

天氣開始凍，我就好中意出街行，咁岩我同女朋友就行到特賣場，"通常呢度會有D過癮野!"，就行左入去睇啦，結果睇到一個好懷念既野，就係呢個係黃色拳手筆。

呢個時候我靈光一照，好似可以造某d野~

首先要買左枝筆，之後要膠紙同紙巾~

一拳超人0003 - 諷刺又漫長的人生

25-10-2015

呢一集一拳超人實在睇到在下心酸得很, 而且亦都好人性, 好現實, 故事承接上一集捉到<進化之家>既大猩猩問話, 但點解博士會知琦玉呢個人? 呢一點漫畫有講到, 佢話蚊怪其實都係果個博士製造出黎, 所以當佢知道蚊怪係吸滿血既情況之下比人一拳KO, 再睇番唔知邊度黎既CAM, 就知道琦玉呢個人啦~

一拳超人0002 - 終於出現像樣的戰鬥畫面?

24-10-2015

無論係邊個強大既BOSS, 都可以一拳解決既一拳超人, 呢個設定雖然係清晰簡單, 但相反亦對作者帶來好大既苦惱吧, 因為讀者會久而久之就睇夠左呢個笑點, 所以作者做左一個好有趣既方法.

一拳超人0001 - 簡單清晰先係王道

22-10-2015

最近有一套新既動畫好吸我睛, 因為我之前就見過果一本漫畫, 佢表面比我既感覺我以為係關於筋肉人同拳擊比賽, 但原來我係大錯特錯, 第一集既果個屁股下巴細佬令我想深入了解, 呢個就係<一拳超人>