大家都知香港人素來都有爭取錯誤既要求, 今次係咪呢? 我住元朗既, 對我黎講西鐵線真係迫爆, 但最好既改善方法, 我卻唔認為係增加班次.
據說, 起西鐵既時候, 政府早有起高鐵既idea, 想將東鐵果個做法放係西鐵度用, 所以睇得出點解西鐵既月台咁長, 但車廂只有7卡.
如今政府改變左高鐵既線路, 改為另起一條線直到鳥無人煙既西九作總站, 美其名係想高鐵更有效率, 實際睇落似係:
1. 使用urban growth machine, 令西九附近既樓值上升
2. 增加政府開支, 推過GDP
3. 收番菜園村, 以待日後增加土地供應 (甚至當中的丁權, 實際唔清楚)
總之政府放棄左呢個方法, 但係西鐵經已起左, 港鐵應更善用現有資源. 講到呢度, 我諗大家都知, 我覺得更好既方法, 就係增加每班車既車廂. 咁兩者到底有咩分別.
1. 如果增加班次, 即要增加司機既工作量, 如果MTR請多左人, 理論上成本會增加一定既數目, 但每班增加一卡的話, 對員工成本沒有影響.
2. 宜家每班相隔時間最快只有一分鐘, 增加班次的話, 多出黎既班次會加係邊, 而且前面班車唔開出, 後面班車上唔下個站, 有多幾多班車都好, 都係開唔到出黎.
3. 而且多左班次, 錯誤機會亦增多.
如果增加左車廂的話, 對西鐵影響反而不大, 但增加左乘客空間及載量, 呢個正正就係"合理化煙幕". 好似M記加大餐一樣, 成本上, M記用既水電費, 人工等等基本成本, 單單用多左幾條薯條就足足收多你兩蚊. 放番係港鐵, 以必需改善載客量既前提之下, 多一兩個車廂對港鐵成本影響不大, 乘客亦較易上到車.
同一個道理下, 我真係唔明點解港鐵既價錢會高過巴士, 難以理解, 但係呢個banner上, 我覺得田少爭取每班車多一個車廂, 會比起增加班次, 更具體和更不影響港鐵成本而增加對服務質素.
沒有留言:
張貼留言