又到五四了

不知不覺又到五四, 係上年, 我應朋友邀請, 去幫政府既五四音樂會做義工. 令我驚訝既事其實都有好幾野:

1. 原來政府總部既草地係可以比人行上去, 野餐又好, 聽歌又好, 終於做番呢D正常既事. 宜家既香港人大多都覺得不應踩草地, 係唔公德, 我HI! 人類未用石屎鋪路之前, 呢個世界咪冇人有公德. 回歸自然係錯呢個真係精神有問題.

2. 謝安琪真人好靚

3. 來自北京既"安與騎兵"呢個男女組合真係好正, 我諗佢地兩個唱既係山歌, 剛上台既時間, 根本冇人理會, 但佢地一開口, 全場都係掌聲, 番到去search一下, 原來佢地係兩公婆, 都唔出奇既, 佢地果一日既造型, 要我比一個比喻, 最貼切既一定係楊過同小龍女, 只係呢個楊過四肢健全.

不得不認, 我係呢次活動之前, 對五四無咩認識, 畢竟六四出名D. 當我查問過之下, 原來係九十幾年前, 中國人反對日本領取山東主權, 所以有「外爭強權，內除國賊」呢個口號.

同時, 五四運動亦係中國知識界探索新文化, 推動民主與科學 (所謂既德先生同賽先生, 原來以前我有讀過) 既發展. 諷刺既係政府將五四運動搞大作慶祝, 但以尊重同包容為主, 我諗呢個先係五四音樂會令我最驚訝既事.