更珍惜香港文化的日本人

虎豹別墅, 位於香港既大坑, 細個呀媽帶我去過幾次, 一邊睇地獄既雕像, 一邊舉住V字影相 (某程度上其實都幾變態). 我呀媽亦都借機同我上番一堂地獄堂, 「同呀媽講大話,死左就會被人勾脷根」, 「唔孝順呀媽唔好, 死左就會落油鍋比人炸」. 總之點都好, 落地獄既所有罪名都係因為對呀媽唔好.

突然講起呢件, 係因為我今日睇<JOJO奇妙冒險> S3 第5集, JOJO(老果個)睇到周圍都係地獄雕像果度, 好驚訝咁問:呢度係邊度?. OH YA, 呢度就係虎豹別墅. 故事畫好既時候, 其實已經係好多年前既話, 宜家既虎豹別墅已經冇晒果D雕像, 只係得番同其他「古蹟」一樣, 冇咩特色既特色古代傳統建築. 一個冇左獨有特點既地方, 仲係咪值得留底呢?

雖然香港人冇重視自己特點, 並將佢地毀滅, 然後以賺錢作合理原因將香港變得平庸再平庸. 但係2014年呢個重製上, 睇得番日本人對我地香港某D地點既重視同驚嘆.

另一個例子就係九龍寨城, 日本人除左係拆之前做調查, 回國後整左本3D書講呢個寨城. 亦有人係川崎市整左一楝九龍城寨主題遊戲中心, 叫「電腦九龍城」. 呢個時候我就諗, 點解自己既歷史同文化, 自己唔會好好保全同包裝.

即使有人曾為皇后碼頭既清拆「抗爭」, 但真心咁諗, 如果呢D「古蹟」留得番係度, 大家又會做D咩去令佢既特點發揚開去, 我諗就唔會啦, 最大原因係香港人冇咩藝術感, 唔識包裝自己既文化變成其他人或者本土人唔黎睇過就唔得既地方, SO......boring Hong Kong.