歷史文化與遊戲化的趨勢

日本人識得包裝自己同人地既文化, 因為係佢地有既娛樂產業夠多, 有動畫, 漫畫, 遊戲, 慶典等等, 娛樂係人都中意, 尤其係生活只得娛樂既年輕細佬, 剛好人學習得最快既就係細個果陣, 即係話經過呢D娛樂包裝文化, 其實好容易將大人既訊息, 一般教育知識, 或者沈悶既歷史由佢地細細個已經打入佢地既腦入面, 而且印象上佢地仲會覺得好有趣添.

除左日本之外, 其實其他好多國家都識, 例如我最近打既一隻舊GAME叫 <Dante's Inferno但丁地獄之旅>. 但丁, 一個中世紀既意大利詩人, 最出名當然就係<神曲>, 我到訪過佢係佛羅倫斯既屋企, 冇咩特別, 又睇過中文版既<神曲>, 好悶, 我難頂先睇到三分之一, 果陣真係同自己講「文學既野, 你識條毛咩!」.

<Dante's Inferno>呢隻GAME正正就係<神曲>改編, 又悶又長既詩句, 係有迫力又華麗既畫面一一將詩句呈現出黎, 玩到完全唔想停. 一個平平無奇既詩人但丁, 亦代身成罪惡既戰士對抗魔鬼. 如果用呢個畫風去加插到<神曲>呢本書, 大家一定會睇得津津有味, 好比日本將三國, 戰國, 幕末等歷史重新畫過, 我都係中意打<三國無雙>多過睇<三國志> (人性表現).

係呢個「遊戲化」(Gamification)既新趨勢下, 香港又為自己既歷史文化做左D咩? 以電影黎講, 我覺得算唔錯, 好似<十月圍城>又真係幾好睇, 但政府呢? 大家不妨去去果D「古蹟」, 通常都有D電話仔諗住比小朋友玩, 但我記得我細個果陣已經不屑玩果D遊戲.

呢個亦係一個循環, 等於私人機構都識用「遊戲化」去SELL自己, 本土歷史文化都有呢個需要, 當人地覺得自己既文化原來咁有趣, 好自然就想了解更多, 然後知道左果個歷史同文化既重要性之後, 就會更好咁保存, 直到下一代繼續 所以我覺得香港好多野都保留唔到, 某個原因係大部分人都唔知留黎做咩, 更甚係覺得呢D太無聊, 無興趣理.