香港拉布其實冇咩用

係議會入面, 為左反對或推遲一D政策而進行既馬拉松式演說, 叫「拉布」. 我諗呢個名大家都耳熟能詳, 近幾年係香港都成日有. 睇過WIKI入面講, 拉布既英文名叫filibuster, 源自西班牙既filibustero, 即海盜或劫掠者既意思. 呢個名都幾合適拉布, 因為拉布的確有掠奪議會辯論既感覺, 而海盜或劫掠者都係追求個人自由既人.

係外國, 拉布其實都唔算太多, 畢竟必殺技成日出就會變左做普通技, 而眼見都經已有好幾次拉布成功既例子. 但係係香港暫時拉左五次, 算係成功左既就只有99年民建聯果次殺局. 其他唔係比人剪, 就係擬案推後, 可以話唔成功. 咁點解會咁呢?

我覺得...

拉布既重點係令其他反對聲音既人耐性離場 (因為佢地唔知幾時先拉完), 然後議會人數不足而流會, 最佳就係議員頂唔順, 直情支持拉布班人就算啦. 但呢個做法係香港係唔work既:

1. 香港班議員入議會都係例行公事, 坐係度R時間, 有訓覺, 有轉珠, 有睇J圖, 咩都有, 同大學上堂冇分別, 你要同人鬥時間, 人地根本就唔怕.

2. 拉布其中一個重點係佢地唔知幾時會完, 我Hi! 每次拉布都做足宣傳: 「我地宜家就會用幾多幾多條動議去拉布啦.」, 同你講「我講個笑話比你聽」或者「我變個魔術比你睇」冇分別, 一D都唔驚喜, 講左比人知, 人地就可以選擇笑唔笑, 神奇唔神奇, 就算幾多動議都好, 是但丟比助手睇左去, 無關重要既, 話之你講咩, 夠鐘就off post, 舉手支持由你過, 時間就預好左幾時完.

拉布帶黎的確會有市民留意左政治既事, 因為長毛入到議會之前, 香港普遍政治冷感, 宜家大家開始醒覺, 佢地真係功不可沒.

但係以拉布呢個手法黎講, 只會對市民不利, 例如高鐵果次, 政府明顯起硬, 你拉布只會令時間浪費, 先唔計議會所需成本果D婆仔數, 通脹不停之下, 成本越黎越高, 要知道羊毛出自羊身上, 到頭來都係用市民D錢.

雖然係慢D, 但最好既做法始終都係要改變議會比例, 令到真係為民著想既議員進場先係長遠之計, 花時間拉布, 不如花時間幫自己友做好選舉.