邊度黎), 一個正常香港文員, 我諗宜家一個月 $8,000左右, 係排世界第736,049,097名, 如果多二千蚊到一個月 $10,000人工呢, 就會排第404,013,611名, 睇到都覺得灰, 單單一個月差二千蚊, 兩個人既差距就已經有332,035,486個人, 講緊係2008年, 成個美國就係3億人口, 呢兩千蚊就係等於一個美國.
咁睇下當年三萬港女有幾多個可以符合佢既要求啦, 如果一個人月入 $30,000以上, 係呢個世界就有 21,077,154個, 睇黎都有成差唔多三個香港人口咁多, 應該好易. 但事實上呢二千萬人只佔全世界人口 0.35%, 仲要係呢個數據入面包括晒男女老少, 唔同性傾向, 唔同性格, 唔同身體質素既人, 即係話搵到岩佢既人呢個機率出現係低個0.35%.
咁好多人就會話想發達, 做全世界最有錢既人, 月入十萬已經難, 要做第一的話, 你就要平均每個月搵 $1,381,392,500, 每個月要全中國一人比一蚊你聽落好似好易, 但要知道其實宜家仲有好多地方用$1可以做好多野.
但到底一個人為咩要贏咁多個人, 為咩要同人鬥排名?
尋日有報告話香港競爭力仲有中國第一, 不過後勁有D不繼, 雖再加大力度發展. 聽落好有道理, 唔發展, 我地個香港會輸. 但呢個時候我第一個想法走出黎既係關我咩事?
民非以經濟行先, 民係以食為先, 一個地方管治得好唔好, 就係睇下百姓有否溫飽, 有溫飽啦就會高興, 點解? 飽暖思淫慾, 食色性也, 能滿足到本性, 人就自然開心. 對我地黎講, 數據講有幾大競爭力, 有幾多GDP, 平均人工水平果D, 關我屁事, 我只睇我, 或者我身邊既人衣食住行有冇問題, 宜家比你做到中國第一咁又點? 大部分人都食唔飽又冇得住, 民怨四起, 虛偽既繁榮要黎做咩呢!
沒有留言:
張貼留言