港男敗走老蘭之感

前日我睇左段片, 睇到心痛又睇到憤怒, 內容就係一個港男係老蘭溝女果陣, 兩個外國男人黎踢場, 之後拖埋條女走, 然後個港男睇住兩個外國男帶走兩個港女去開房. 打到呢個位, 我已經忍唔住又要HI多次.

宜家段片似乎已經比人DEL左, 片段有五個人, 第一係港男, 第二係兩個港女, 第三係白&半黑鬼佬.成段片討論之前有個重點影響成個事件既道德性, 片段由半黑外國男拍既, 黎果陣到拖手條女果陣, 個港男都係拖住個女仔, 到底佢地係咪情侶呢?

好多人都話最九係果兩條女, 或者兩個鬼佬, 一般網上所講既原因係:

(頭盔: 以下兩點只係網上言論轉述)

1. 港女貪食「洋腸」, 自眨身價, 免費同人開房 (有圖顯示4人只係迫係一賓館既單一房間在兩張單人床上處理有關事而)

2. 洋人固意當面以自己洋人身份搶走人地女仔, 仲要拍片放上網以羞辱港男.

但我最嬲係果個港男, 因為當時好明顯條女係出黎玩, 唔會同你講真感情, 仲要扮大方, 成程同條女講「無所謂既」,「我唔介意」, 我HI! 如果佢地係情侶, 自己條女比人咁樣溝緊仲唔拖佢走, 如果條女係中意個港男, 見你咁緊張佢反而仲中意你. 如果佢罵你唔夠大方, 其實即係佢對你唔認真, 咁拍拖黎做咩. 最重要係睇到唔對路, 個男人仲唔借屎循, 反而留係度搭台比人羞辱.

至於女仔有冇錯? 如果佢地唔係情侶, 咁錯咩呢? 每個人都有佢既自由, 而且中意有錢人或者中意靚仔D既男人係本能, 你見其他動物又好, 人猿又好, 雌性會同搵得最多野食既雄性交配, 而現今社會角度, 當時既最多食物就即係宜家既最多錢; 咁靚仔又合理咩? 三個字, 「優生學」. 咁女仔亂咁同人上床係咪表示宜家道德倫亡? 非也, 其實由古到今, 性一直都開放, 只係宜家互聯網令到事情浮面. 以一個香港男仔黎講, 我一定唔會想有帽戴, 我都睇到想打飛兩條女, 但現實就係咁殘忍, 係道理上佢地係完全無錯. 可悲既係兩個洋人都係自己國家唔算吸引, 佢地都揚言香港女仔易上, 我HI!

其實道理既野, 人人都明, 但依然引起咁多人對兩條港女不爽, 因為? 鬼佬好易溝到女, D女又崇洋, 港男都想周圍溝女, 但語言, 體格, 財富, 才華都唔夠其他人厲害, 簡單黎講, 人地做到你好想做既野, 但你做唔到, 你會唔覺得好可悲咩?