香港人行路有幾快?

香港人出名咩都要快, 食飯 10 MINS KO啦, 等車 5 MINS 都唔耐煩, 行路當然都要快啦, 係路上面左穿右插, 過得一個人多一個人, 趕得上早一班車都要趕, 咁即係實際上有幾快, 真係無一個統計數字, 不過之前英國有一研究指普遍係各大城市既人過馬路係一秒一米, 我相信香港人都差唔多. 但係呢個只係係地面統計出黎既數據, 其實我地事實上係遠遠快過呢個數. 點解我會咁講?

平時搭車果陣, 即使我地搭既火車有200KM/HR, 我地係車廂入面既速度都係保持本身既速度1M/S, 但係對於係車廂外靜止既人黎講, 係車入面向車頭行既人就有236KM/HR, 所以係唔同既角度, 物體移動既速度都唔同.

假設宜家我地以正常速度往東行, 因為地球係向東面自轉, 其自轉速度有:

根據香港天文台既資料, 赤道=0度 速度係1,666KM/HR, 北極係=90度, 香港位於22度15分 (即22.25度), 香港位置自轉速度應係約 1254.13KM/HR* (即約0.35 KM/S).

所以係地球外面睇, 香港人行路速度就會係 351M/S. 同時地球會公轉, 雖然每次軌道都有唔同, 速度都有其他因素影響, 但平均都有約 29.79 KM/S, 即係以太陽系黎講, 香港人行路就有約 30.14 KM/S咁快.

好多人都唔知, 其實銀河系都有引力, 身為一份子既太陽系當然都會圍住銀河系中心轉, 速度更達約 220 KM/S. 咁係銀河系既角度既講, 我地香港人正正以約每秒250.14公里既速度係宇宙移動緊.

所以唔好再話前面果個人阻住你行路啦, 因為佢已經行得好快架啦, 只係觀點與角度姐!

*1,666X(90-22.25)/90=1254.13