有無人可以用死亡筆記殺死所有人?

<死亡筆記>一本03-06年好出名既漫畫, 更被編成真人版電影, 故事就係好簡單, 被寫左既名上死亡筆記既人會死亡, 主角夜神月為左改變世界而不停咁呢本筆記去殺人, 但我就諗啦, 如果有呢本筆記, 可唔可以殺死晒呢個世界既所有人呢?

(註: 死亡筆記有以下兩個重要規則首先要知:
- 寫名字的時候，一定要看過該人的樣子，否則沒有效果。因此，不會殺害同名同姓的人。
- 除了名字以外什麼都沒寫的人會在40秒後死於心臟麻痺。在寫上名字的40秒內可以寫上死因。)

根據美國人口調查局的估計 (來先WIKI資料), 截至到2013年1月4日, 全世界約有70.57億人. 呢70億既人分怖係七大洲, 來自唔同既種族, 用唔同既語言, 所以佢地既名都有唔同既特色同文字組成.
姓名都有唔同既改法, 以中國人黎計, 一般係用一或兩個字作姓, 一或兩個字作名, 通常全名以三個中文字組成. 當然去到藏族會出現D「夥爾川紮木蘇他爾只多」呢十個字作一個姓氏既極端例子.
美國更有姓氏有35個字母叫 「Keihanaikukauakahihuliheekahaunaele」. 為左方便下面既文章, 我地暫時當呢個世界所有人都係用三個中文名作全名.

以我作標準, 我大約一秒一個字, 即三秒可以寫好我自己個名. 全球宜家約有70億人 (唔計我), 假設佢地都係有名, 亦都係三秒就可以寫好佢地是但一個名, 咁即係要用70億X3秒, 即係要用 21,000,000,000秒. 相當於 350,000,000分鐘, 亦即5,833,334小時.

故意寫到D數字大一大大家先, 去到呢個位要分開兩邊寫. 第一, 係以24小時唔休息咁計算, 要用243,055.58日, 即665.5年先可以完成, 前提係唔休息, 唔食野, 仲要無人繼續出世同埋無墨要換筆果少少時間等等.

咁如果D休息, 正常人我當10小時可以用的話, 就要用1140.9年. 要知道香港人要番工同OT先可以保持生活, 仲要唔夠訓先可以做自己野, 死省右省到8個中出黎寫筆記既話, 就要用1996.5年. 所以如果真係有死亡筆記的話, 是但一個人都有可能用筆記殺死呢個世界既所有人, 不過前提係你最起碼要有665.5年命.