長尾人生

今日我係FB上面睇左一張9GAG post出黎既一張相(下圖), 只要將每行最頭果一或兩個字拎出黎組合就會變成:

「Never going to give you up, never going to let you down...」

呢幾句係來自一首歌, 一首好令人懷念既歌, 就係 Rick Astley 既 <Never Gonna Give You Up>, 如果無聽過即係以前係冇用過youtube. Youtube宜家有D片段可能因違規比人封左既時候, 會有一個紅色格配上一個唔開心既樣, 再加 (大約係)此片段違規呢個字句. 但其實係之前未係呢個做法之前, 所有CLICK左被封既片段入面, 都會變左做<Never Gonna Give You Up>呢首歌既MV.

係以前, 每當睇到呢個MV都會叫「被 Rickroll」, 亦即宜家既「中伏」, 一首咁既MV截止2013年總共70,000,000次. 事實上, 係1987年出呢個MV果陣當然製作人員冇諗過呢個問題, 但宜家睇到呢個情況又令我諗起另一樣野, 就係「長尾理論」.

長尾理論簡單黎講就係一D非暢銷非主流產品, 只要有足夠既時間同正確既營運, 亦可以帶龐大既利潤. 呢個亦因為係有互聯網既快速發展, 而顛覆左二八定律, 因為大家總係認為貨尾冇人要, 但宜家貨尾曝光高左, 客源仲去到全世界添.

係「Rickroll」呢個事件上, (我唔能夠話可以合適晒用長尾理論講) 當然呢個MV可能只能係美國本土紅, 但經過咁耐同一個巧合, 呢首MV就變得世界知名.

有趣既係, 呢個長尾理論其實唔只係用係企業, 用係人生都得. 重點係要有時間的吧, 所以人係年青既時候, 要不停做唔同既嘗試, 即使件事係幾細微幾無聊, 即管做左先, 因為時間一長, 你會發覺以前做過既小事, 係將來某某地方解救左你. 千祈唔好怕比人笑或者怕浪費時間, 所謂「書到用時方恨少」, 你永遠唔知每件小事對你將來有幾重要, 所以做到就一定要做左先.