4條DEE都輸既亞仔台

關於電視發牌呢個問題係較早之前就鬧哄哄, 但香港人精神, 好快就靜晒, 得閒講兩句算. 但兩台質素每況愈下既情況日趨嚴重, 近期無記播大陸版既西遊記, 雖然有徐錦光咁勁既卡士係度, 但大家都係表示唔睇, 有趣既係無記依然有23點收視, 可能因為習慣性觀眾呢個因素, 但亦表示對面個對手真係好唔掂. 咁所以亞仔當然要作出反擊.

經商討過後, 佢地出既牌係<我和殭屍2>既重播, <我和殭屍>系列係神劇就冇得走架啦, 好多人話第二集係最好睇, 但我就覺得第三集係最好睇, 因為佢係入面講左好多好創新既概念 (呢個有機會再講). 亞仔胸有成竹既結果係咩? 咪就係有1點收視, 出到自己王牌都1比23, 4條DEE都比人炒3果個感覺, 真係冇咩人可以試到. 但點解咁多人中意既劇都只係得一點? 我諗, 佢地似乎唔知道時代已經有D唔同啦.

自互聯網既急速發展, 大家都上網多過睇電視, 電視都只係自己上網既時間有D人聲比自己熱鬧D. 但宜家YOUTUBE同JTV等等既網上片段互傳時代, 一部網速正常既電視已經令到用家四感有排忙. 無記就聰明係呢個位, 整左MYTV呢樣野, 自己既節目可以幾時, 係邊度都可以免費睇得番, 所謂既黃金時間老早就唔再發光, 而且同時都可以賣到唔同既廣告, 拉上補下都有得賺.

無記大公司就話有得賺, 但點解YOUTUBER都可以做正職? 有趣既係真係可以, 如果有YOUTUBE acc既朋友可以試試睇睇自己設定果度, 其實係可以選擇同YOUTUBE合作, 就係set每段你上載既片段都會賣廣告 (即片頭, 片尾, 或BAR位), 每一萬次成功賣到廣告, 就會有$100港元收入. (以我所知)

香港YOUTUBER我真係唔太認識, 聽過但冇咩點睇, 我知「MING仔」算係數一數二啦, 佢至今加入左4年, 觀看次數有26,899,993 (至14-5-2014), 比佢齊頭2千7百萬, 佢都收到27萬蚊, 及後, 因知名度上升, 好多其他收入都會黎. 仲有可能係BOMMA, 夾帶果D都有咁上下成績.

但我見過香港區YOUTUBER真係最高卻唔係呢班人, 呢樣亦帶出「英文先係世界語言」既可悲性, 我講既係「DigitalRev TV」, 一個用英文去介紹攝影器材既YOUTUBER, 單講係YOUTUBE既點擊都過億, 訂閱人數有953,958 (至14-5-2014), 仲有其他網頁帶黎既收益真係賺死.

咁到底最強, 最多訂閱既人已經有fans幫佢申請健力士世界記錄, 佢就係「PewDiePie」, 以打恐怖GAME聞名, 到2014年5月14日, 訂閱人數有26,721,768, 觀看次數有4,402,845,613, 假如一萬點擊一百蚊, 佢呢三年單係YOUTUBE賺到既就有4千4百萬多元. 而且增長率仲好高, 因為係上年十月既時候, 佢只有約千四萬訂閱, 25億點擊.

世界已經出現左一個咁既新趨勢, 一班 HI HI仔仲係度霸住免費牌, 咁你咪繼續囉, 對我冇影響, 但就難委左入面既工作人員.