唔知大家有冇試過執紙皮? 初中時期, 我心入面仲有一股正氣, 唔要零用錢, 食完有多既飯錢當日就會比番呀媽, 但果陣我迷上左遊戲王果個CARD GAME, 要知道就算係當時定宜家, 要買一張有用既卡, 最少都要$30以上, 當時仲係學校飯堂食$17蚊飯既我又點會買得起呢?
只有13歲既我, 又冇本錢, 又未升智力, 又需要錢去買卡玩, 最後做左個決定, 就係去執紙皮. 當時我仲住係高樓大廈果種既私人屋苑, 屋企既報紙一早已經包好, 之後就搭LIFE上項樓32樓, 分兩次 (因有兩邊樓梯) 咁去執, 有報紙, 有漫畫, 有廢鐵, 有玩具, 仲有老翻咸碟 (以前D人真係過得唔易!). 咁就好似螞蟻搬野食咁去拎落樓下過一個街口既回收店賣, 幾蚊幾蚊咁存起買卡.
當時D清潔, 看更, 甚至鄰居都唔係好中意我, 咁呢個都係意料之事, 如果我出街都執既話, 仲多左一班公公婆婆為敵, 因為佢地可能用呢個方法為生. 但到左大個, 我睇左本書之後, 我就接收到一個幾新既諗法, 就係回收業搵左 (間接) 咁多公公婆婆去幫佢地, 到底對呢個社會有咩用?
我地成日都有聽環保團體講, 要好好咁發展回收業, 咩都回收的話, 就省左好多資源去處理呢堆垃圾同為地球出一分力. 但我睇果本<假環保>就有好幾個POINT我覺得都幾有道理:
1. 紙呢個來自樹皮既物質其實會有折舊, 每次重造紙張之後, 質素都會下降, 而每張紙平均只可重整6次, 之後恐怕紙質下降得只有幾個用途.
2. 因為要重整紙張, 廢紙上面既所有墨都要先被除去, 當中用到既化學物質第一會令紙質下降, 第二會污染環境.
3. 回收重造紙張唔係邊地方都可以做到, 因為相關既機器一D都唔細, 所以都會安排到近郊, 由於地點較, 機構就要用多好多運輸上既資源, 包括石油, 廢氣排放, 路面資源, 甚至增加其他道路使用者既危險 (因為多左大型車輛係道上行駛)
4. 更加令紙張使用者浪費, 因為佢地回收到就唔怕.
但以上幾點就話你知, 其實廢紙回收無想像中咁環保.
(太長待續)
沒有留言:
張貼留言