心滴拳聽的晚餐

「心滴拳聽」, 意思即係話當極度專注時，會感覺時間被無限壓縮，而且推敲的是對手的想法，因此會得到自己意想不到的情報。

話說平時係屋企食飯都係得我同家姐食, 而佢係好唔中意做洗碗果個, 對我黎講都冇咩野既, 但就係想睇下佢會唔會有一次可以主動洗。

前晚, 如常係屋企兩個食飯, 基本上台上面只剩底兩條菜, 呢個時候我突然有道光打到我頭上：如果我宜家走入去放底D碗入廚房, 然後走入房咪唔洗洗碗囉。

正要夾既時候, 又有一道光：諗清楚先!如果宜家我走入廚房, 佢一定會即刻夾埋D菜就拎碗入黎比我洗, 到時我走唔到就迫住要洗。

我放下筷子, 扮到好飽食唔落最後果兩條菜, 「到底佢會唔會忍唔住即刻食完入D洗碗?」, 當然冇咁易, 佢食完剩菜之後就開始玩弄台上果包黃豆。

「哼!既然你係要玩持久戰既, 我就同你玩。」呢個時候, 冇出聲好耐既家姐就問：食唔食橙?

我話：食半個呀!

佢就話：哦, 咁我捏橙, 你就去洗碗啦~

頂, 最後都係我洗, 不過事後問番原來佢根本咩都冇諗過, 只係我諗太多~~不過果30秒鐘真係過得好耐......