爛寶物0000 - 想法

30-10-2015

記得我曾睇過一單新聞，講關於一個中學老師做一個先入為主既實驗，佢將兩篇詩歌比佢既學生評論，特別既係老師話A詩係李白作，B詩係佚名。事實上A詩係佚名，B詩先係李白作。由於李白既名聲大，大家都會自入為主咁覺得李白既作品必屬佳品，所以學生就搵出A詩好多優點，又浪漫主義，又點點點咁。B詩一樣都有優點，但相比之下，學生多數都係覺得"李白"所作既A詩好好多。

於是老師得出一個結論，如果就簡單一句黎講就係【人靠衣裝，佛靠金裝】，人好普遍就對熟識既事有好感，因為要接受新事物對佢地黎講係一種冒險。加上人云亦云，普遍人覺得果樣野好，自己一個人就講唔出相反(個人真實意見)出黎，原因係怕比排斥或者怕比人覺得唔合群，呢個亦都係群居生物既壞處。

日常一D既例子就如睇電影前會受影評影響，識人會受外表影響，說服力會跟社會地位影響，各式各種既事情都令到好多天生有料既人失去自信，除左係佢個人同身邊既人損失，更可能係整個人類世界既損失。

以下仲有兩個先入為主既例子；




lifehunters係一TEAM做社會實驗既外國人(http://lifehunters.tv/)，佢對仲有YOUTUBE CHANNEL比人睇佢地D片，其中兩條好關先入為主既片

1)佢地將一幅幾十蚊既IKEA入面既海報放到一間高級藝術店入面，仲有一個人對引導其他觀眾，話呢個係一個藝術家 IKE ANDREW，又叫人地睇仔細D，會見到好多野，結果好多人都相信佢係幅名畫，仲有人表示佢值二百幾萬歐羅



2)佢地係麥記買左幾個餐之後，將食品切細，插上牙籤美國國旗，放到佢地整整齊齊。主持人就係荷蘭一個美食展覽度派比人食，最重要既係佢地標明呢D野係黎自美國一間有機食物餐廳，結果就係果班所謂既食評家話好好食，好新鮮，佢地係有機食物，所以食得出好多汁。

主持人甚至問埋佢地覺得呢D野好食定係麥記好食，佢地都係答"絕對"係呢D野好食D



所以唔該大家自信番少少，我自己做過十幾份工得出既結論都係【識英雄既人少】，當然我又未至於話自己係英雄，但係大部份人都係唔需要同唔願意去發掘同善用你既才能，佢地只覺得你做到我要你做既野就得，不論果樣野係咪實際上對佢自己唔好。

引伸落去，我想同大家介紹一個網站；
http://significantobjects.com/

呢個網站其實都係一個用作社會實驗既事，佢地(某大學)係網上EBAY買左好多唔同既"垃圾"番黎，再搵作家虛構一D關於果D"垃圾"既背後故事，最後再放上EBAY賣。佢地賣晒D野出去之後就賺左28倍既收入。

呢點我就令我諗到以為睇<當鋪之星>(http://gspawn.com/)既時候都有聽過，你要件物品高價，除左要係完整之外又係要有一個可以證實到既故事。

不過平常係網上睇既野，邊有人在意真定假，人只會留意有定無，我自己又覺得significant objects果個網就幾好玩，又可以訓綀自己既想像力同創作力，所以我都決定自己搵D"垃圾"，比番一個故事佢，睇下佢會變到有幾有價值，我岩岩都係FB開左個PAGE叫"爛寶物"歡迎大家上去放上你地"有故事既寶物"。