試分析區議會候選人政綱傳單 - F18

26-10-2015

話說今日行過拎到元州邨及蘇屋邨分區既二號候選人既政綱傳單，一睇就覺得好奇怪，所以就想講d野

要先知道F18呢區民建聯多鐵票，係呢個情勢下，打對頭佢係點sell自己？

1）前面果頁大大個頭像，下面就印左「本土，民主，反共」，當然有知識既人明白佢既大理念，但總有人一睇落去就誤以為「本土」=「民主」=「反共」，作為一個地區性且劣勢既環境下，打出推翻整個政權既口號，你叫當區選民又點能夠咁快接受得到咁刺激既方向？

2）反轉張紙又一大段文章，會有幾多個人由接傳單到丟傳單果段小時間睇晒你寫既野？講重點好嗎？

3）文章結構分四部分，頭一段自我介紹，第二，三段竟然係講流浪貓，之後先講鉛水問題，最後收尾，我都算係愛貓之人，但你要既係選民投票，唔係要流浪貓投票，仲有既然都話呢區既人有投訴比流浪貓騷擾，佢地會反過黎同情佢地咁人性咁關注呢件事咩？唔合理吧

4）成篇文章得一句係比highlight左就係佢引用「聖雄」甘地既果句說話「一個國家文明程度，就看她怎樣對待動物」，唔係話我睇小人，呢個區既選民真係會咁熱血受呢句感動？尤其一個普通市民對「聖雄」同「國家」呢兩個詞感覺唔埋身，覺得唔關自己事，反而佢應該標籤下段果句「林鄭月娥日前竟指政府公職人員只是按章辦事，沒有人要為鉛水事件負責」，因為元州邨同就起好既蘇屋邨居民確實咁受緊害

5）之後仲有講民建聯扼人，打擊對手從來都唔係最好既做法，加上被洗腦既人又點會信一個生面口既人講野呢？反而對你起敵意，呢點就好似你同有宗教背景既人講呢個世界冇神一樣，引出一段冇理性既討論係好難令人對你有好感

6）傳單上冇候選人聯絡方法，連email都冇，咁有意見都難話你知

7）冇選區編號，選區名又冇分出黎標明，都唔知你係邊區，即係唔user friendly

8）冇實際政鋼，只會覺得佢當選後集中反共而非為當區市民做事

總結）我絕對支持民主，但佢似乎冇了解當選區選民既背景同需要，感覺似為自己而選多於服務市民而選，同埋張傳單真係唔viewer friendly.

頭盔）支持民主