呢一集一拳超人實在睇到在下心酸得很, 而且亦都好人性, 好現實, 故事承接上一集捉到<進化之家>既大猩猩問話, 但點解博士會知琦玉呢個人? 呢一點漫畫有講到, 佢話蚊怪其實都係果個博士製造出黎, 所以當佢知道蚊怪係吸滿血既情況之下比人一拳KO, 再睇番唔知邊度黎既CAM, 就知道琦玉呢個人啦~
<進化之家>既博士又係果D典型之一既反社會主義, 比平凡人聰明, 所以就認定世界上既其他人都係白痴低能, 更令佢難受既係, 其他人對佢既研究一直都抱住懷疑既態度, 覺得改造人類或者生物係好危險既做法.所以得佢一個人咁做研究.
結果博士用左五十幾六十年, 終於有成果, 佢首先令自己年輕, 再複製自己去幫手做研究,嘩~咁似大雄問叮噹借法寶去做功課咁既.但就係咁囉.....
因為琦玉同傑諾斯打到黎啦, 所以博士要派<進化之家>最強既阿修羅盔甲(又名阿修羅獨角仙)黎打, 傑諾斯又同佢打, 之後又唔夠佢打....
果然阿修羅盔甲好強, 因為佢意識得到琦玉既強大,知道唔小心既話就會比一拳ko, 所以就問琦玉點先有咁強勁, 琦玉就公開佢既秘密, 就係「每日都做100下掌上壓, 100下 sit-up, 100下蹲站, 跑10公里」
如果我真係咁做, 我會唔會真係係一年半之後禿頭, 之後三年後成為一拳打死任何人既英雄呢?
佢地聽左緊係唔信, 結果怪人嬲到進入阿修羅MODE, 會足足暴走一個星期啊!
呢一PART真係睇到個心離一離, 唔通真係比呢個怪人打敗? 睇黎有新篇章囉...
正當我咁睇既時候, HI!原來今日係超市特價! 一拳打死佢趕番去買野啦~
呀~~~~~~~呀~~~~~~~~~~呀~~~~~睇見都覺得難受....
到最後呢一part真係好sad, 一諗到博士花左幾十年既孤獨同人地對佢既冷嘲熱諷, 快到達理想之際, 被人一拳就破壞~
呢個故事教訓我地要成功, 唔好咁固執只諗自己, 因為咁只會令你迷失方向, 消耗人生. 更重要既事係, 當你"努力"發展一D好新好勁既方向, 都唔可以忽視基本練習, 如果唔係只會自己受到教訓!
沒有留言:
張貼留言