一拳超人0001 - 簡單清晰先係王道

22-10-2015

最近有一套新既動畫好吸我睛, 因為我之前就見過果一本漫畫, 佢表面比我既感覺我以為係關於筋肉人同拳擊比賽, 但原來我係大錯特錯, 第一集既果個屁股下巴細佬令我想深入了解, 呢個就係<一拳超人>

<一拳超人>既創作歷史就唔多講, 大家可以上WIKI睇:
https://zh.wikipedia.org/wiki/%E4%B8%80%E6%8B%B3%E8%B6%85%E4%BA%BA

自從MARVEL之後, 多左好多講英雄既動漫, 例如<TIGER AND BUNNY>, <我的英雄學院>等, 有別於呢D動漫, 呢個故仔非常簡單, 就係主角勁到可以一拳打死任何一個敵人 (呢一點我就想知佢勁D定<IQ博士>既小雲勁D)

係佢地既世界, 隨時都有怪人出現, 已經每次都可以去到災難級別, 但第二集世界又回復正常, 所以出現左專對付呢D災難既英雄

但一拳超人由於只為興趣, 不為名利, 所以基本上冇人知佢既存在, 所以其他英雄好努力咁應付動畫第一個怪人, 結果.....

BOSS出現了, 睇個樣都似有LV57 以上的感覺,因為之前冇睇過呢個故事,之後出現既畫面實在令我嚇一跳

HI, 佢真係一拳打死左佢, 而且冇任何多餘既對話同動作.

但原來佢三年前都只係一個搵極工都失敗既普通人, 呢點我地可以加出各種意義上一D冇意義既點, 就係作者想表達任何一個普通人都可以有機會成為最強英雄! (圖就不截了, 自己搵黎睇吧)

之後中段又出現怪人, 今次係比50米巨人更高既巨人, 見佢識講野, 應該都係奇行種

一拳既拳風可以令十幾條街消失得冇得剩

 

中間詳細唔講咁多, 反正又係一拳打死, 但每下都好入感覺

 我諗佢真係好合適做5秒電影

去到尾段終於有D熱血畫面, 「唔通真係進入主線?」一拳又一拳將不停上黎既地底人打飛, 咁今次真係出現超人應付唔黎既敵人嗎?

結果唔係, 只係佢發夢

呢度反映一樣好可悲既野, 大家平日生活都好平凡同苦悶, 但心底內就有著一份期望, 期望可以出現熱血既戰鬥, 但世界總係咁既一個樣, 難道我地都只係可以做一D完全冇挑戰性, 得過且過既人生咩?我都好想轟轟烈烈咁為人生打一場, 但無奈呢個世界必定要有同你實力相約既對手先得, 即好似<棋靈王>入面, 沒有塔矢亮, 沒有進滕光, 相反亦然, 其實我地都需要一個陪著你的競爭對力 (可以用鯰魚效應來表達嗎?), 如果沒有, 恐怕只有發夢先可以享受到啦~

叱套野簡單一句就係「無敵是最寂寞」!