香港社區浪費系列0001 - 機構使用的紙張表格(FOLLOW UP)

1-11-2015

我早前打左一篇BLOG關於衛生署係填表格上會做成大量的紙張, 運輸及人力浪費:
<香港社區浪費系列0001 - 機構使用的紙張表格>
http://yunholam2014.blogspot.hk/2015/10/0001.html

當然這個並非只係衛生署問題, 更係整個政府, 以及整個香港社區的問題,不過我都係SD封EMAIL比衛生署講下, 咁早兩日佢就回覆左我:




「政府為全港居住在安老院舍的長者提供季節性流感疫苗(流感)接種，是希望減輕流行性感冒在高峰期間為院舍的院友、宿生及職員所帶來的風險。

1.        關於 「院舍表格」以及小冊子方面
就你所提及的「院舍表格」，其實是一份疫苗接種同意書，如果同意接種季節性流感疫苗，每位院友或其家人或監護人都必須簽署疫苗接種同意書予以確認作紀錄。如院友不會讀寫，可由院舍職員向院友朗讀及解釋同意書的內容，然後在一名成年人見證下在簽署欄上印上指模確認，以保障長者的利益及福利。內裏附有季節性流感疫苗的資訊簡介，供院友簽署前，讓院舍向院友或其家人講解有關疫苗接種事宜，讓院友或其家人明白，而院友或其家簽署同意書後，可將附在同意書上的「季節性流感及肺炎球菌疫苗接種資訊」 保存，而小冊子方面，內容會更詳細介紹季節性流感疫苗的效用、免疫力、安全性以及其保護作用和不同的疫苗接種計劃等資訊，煩請林先生再細閱。」

就以上呢一段回覆, 我都唔知到底佢唔知我講咩, 定佢答緊官話, 我夠知係小冊子同表格簡介係比人睇啦, 我就係睇完先SD比你, 問題係在於係一間買位院舍係唔需要每個人都有一份, 你應該要求院舍職員或者提供職員去院舍開一個講座等等既方式就得, 因為宜家既做法係唔符合人性, 呢度既人性就係老人根本唔想花時間同精神, 甚至佢地根本冇眼力去睇果D介紹呀大佬, 最後造成唔合人性既浪費, 積少成多之下變成大量的浪費.

「2.        關於 「電子表格」方面

院舍職員可從衞生署衞生防護中心網頁http://www.chp.gov.hk下載疫苗接種同意書，在「同意書」電腦檔案上直接輸入院友／職員的個人資料，完成後列印，簽署後給到診註冊醫生使用及存檔。院友家人或其監護人亦可從衞生署衞生防護中心網頁下載同意書，簽署後寄回院舍確認。

就現行的機制方面，鑒於院舍較為熟悉院友及其家人，由院舍自行收集同意書較衞生防護中心派職員收集為洽當，以減少混亂情況，而院舍亦有責任確保其資料的準確性。

而電子化方面，到診註冊醫生為每一位院友接種疫苗前亦需要再核對院友的個人資料、針卡和疫苗接種同意書，以確定院友所需接種的疫苗。接種疫苗後，疫苗接種同意書會由到診註冊醫生保存作紀錄，所以如果全面電子化需要到診註冊醫生有相關的電子器材，實行上會有一定的困難。

本署在制定季節性流感疫苗計劃的疫苗接種同意書及疫苗資訊時，已考慮到各院舍/到診註冊醫生的需要和實際情況，希望能回應你的查詢。」

兩點:

1) 要列印出黎簽既仲叫咩電子表格呢?

2) 減少混亂情況只係籍口,亦都證明你收集資料既系統做得唔好, 同時亦間接導致監管老人院既能力低下


結論:
我OK架, 反正我都預左香港落後到無法理解, 原因就係果班唔肯改變既人仲控制緊既社會, 而佢地又會教育一班唔肯改變既人出黎繼續控制社會, 如果政府都帶頭唔到, 只有由民間開始做起, 希望大家善用電子啦好嗎?