話說今日我係西鐵線比人做左個簡單問卷調查, 有時間加上有野講就停底同佢講, 講講下都覺得西鐵線其實好多野都浪費到HIHI, 而且根本有好多方法可以增加利潤而唔需要加價, 第一樣亦係最重要果樣方法我早係成個BLOG既第一篇已經講左:
http://yunholam2014.blogspot.hk/2014/05/blog-post.html
就係增加每車既車廂,質素改善左, 而且每次既空間供應多左, 好自然就會多左人去搭, 到底後其實佢可以賺更多,增加效率, 而唔多幾多成本.
 |
| 圖為迪士尼站, 入面所有廣告牌都係地鐵自己既廣告, 完全浪費正確賺錢良機 |
2) 增加廣告
其實大家有冇留意過, 每一個西鐵車廂上面都有最少十個廣告位係內置左,呢個係一開始有呢條既時候已經有, 但呢D位長期都冇廣告, 而唯一仲係度既就係「中國華南城」既廣告(每車廂不多於兩塊), 事實上呢個廣告牌係由通車以黎一直都有, 到底佢有冇真係比過錢, 我都有少少既懷疑.
另一方面, 有搭過日本地鐵既人都應該了解到車廂廣告既可能性, 車門上, 車門上既玻璃窗, 上面扶手之間既位置, 座位上既牆同玻璃窗, 甚至於係整個車廂外邊, 我相信呢D廣告既需求唔會低過花錢係亞視, 仲係有相當既收視率. 到底地鐵既廣告部門係做咩 (有冇都唔知), 如果好好發揮的話, 對西鐵線黎講可以賺幾多錢.
3) 減少不必要的人手
如果係番工或者放工時間, 總有大量既黃衫人係月台同電梯前面不停咁講同一句說話「唔好迫上車, 上唔到等下一班」, 「先比人落車, 上左車盡量行入D」, 「搭電梯請緊握扶手」等等, 佢地企唔同位就有唔同對白, 但每個位都係得兩三句對白, 呢D人手既需要性係低過一個點, 因為佢根本可以錄音去播, 最多請兩三個人巡, 但佢就花咁多錢去請呢大班人, 請管呢班人既人, 買呢班人既衫, 準備呢D人舉既牌同用既大聲公. 根本就係浪費, 唔請呢班人的話, 相信可以節省大量開支, 變相增加港鐵成本.
另外關於西鐵月票, 月票只可在月尾7天和月頭7天買, 每月這14天都有一大班人在各站的CUC外排隊買票, 問題在於一個國際城市的主要電子貨幣公司同公共交通工具公司唔識整電子買票咩? 每張八達通都有自己號碼, 變相就係方便做呢種可以係網上進行既交易.
教埋你都得, 上地鐵網登記做會員, 登入後選擇自己所需既月票, 輸入自己八達通既號碼, 再用信用卡比錢, 成個過程相當方便, 如果你怕普通八達通會唔見, 咁咪先比個人八達通做左先, 唔見左都可以好似銀行卡咁停左佢.
對港鐵好處:
- 增加效率, 改善港鐵形象
- 借機收集乘客資料做統計
- 減少職員壓力, 增加士氣(雖然西鐵的客戶服務主任是外判且沒有任何港鐵員工福利)
4) 增加商店
其實睇真D每個西鐵站入面都有好多奇怪既空間, 例如電梯下面, 元朗站兩端既出口旁, 都有一大堆空間係即使壞車有大量乘客係度都唔會用得著既空間, 其實全部都可以用黎做展覽或商店, 呢D亦都係賺租既好方法.
以上4點係我暫時諗到比港鐵班契弟, 唔該真係好好地咁用呢D正途方法增加利潤, 唔好一味加價黎略奪市民血汗錢!
沒有留言:
張貼留言