遊戲王008 - 5DS (幸運盃決鬥篇‧序幕)

4-11-2015

遊戲王5DS係遊戲王系列第3輯, 時間係GX幾十年之後, 因實驗而破壞左童實野町, 政府重建出新童實野町. 但新町係一個階級制度好重既世界, 分TOP(上流社會享受過多既資源)同COMMEN(低層社會只得極少資源), 內容係點就唔多講, 自己睇番, 或者上WIKI睇睇:

https://zh.wikipedia.org/zh-hk/%E6%B8%B8%E6%88%8F%E7%8E%8B5D's

雖然呢個係一個卡牌遊戲既故事, 但事實上係非常政治既一個動畫, 而當中政治既味道係<遊戲王ARC-V>入面完全表演出黎, 而入面用到既同調怪獸理論上係最強品種既怪獸卡吧, 因為同調起上黎 (如果唔理規制)可以去到60等級(笑), 冇記錯, 動畫入面好似出現過13等級既怪獸(以往怪獸等級上限係12). 而且係故事入面, 同調力量令到世界末日都得.

幸運盃決鬥篇‧序幕主要係講頭果幾集, 由佢係貧民區走到CITY.

<5DS>為左有特別D, 一改風格:

-在電單車(D輪)上高速決鬥
-只可用專用場地卡, 而且該場地卡不會更換
-每一個回合新增速度點數, 根據速度點數, 可以發動速度魔法卡
-新增新卡種 - 同調怪獸卡, 協調卡獸

COMMEN住既貧民區 - 「衛星（Satellite）」係係舊童實野町毀滅之後, 有少少似<CODE GEASS>既11區舊區果個感覺.

除左睇舊町變成一堆屎, 我地仲睇到牛尾大個仔啦, 由佢當年比黑暗遊戲輸左之後, 宜家仲做埋警察隊長, 但因為佢經常想捉不動遊星(主角)但又捉唔到,所以佢都稱得上一個有堅持既人. 不過唔知遊戲去左邊, 唔知有冇死? 我諗佢做得決鬥王, 一定賺好多錢, 移民去大英帝國應該不在話下.

遊星主要卡組有既卡都係以"廢物"做主題既卡, 而且攻擊力都好低, 但佢比左一個信息就係"無論幾弱小既人, 甚至被人稱之為廢物, 只要圍結互相合作, 幾出既力量(同調)係會想像唔到咁強大"

在電單車(D輪)上高速決鬥

新童實野町分TOP同COMMEN