我唔想9講一D關於建築物既歷史, 因為我唔熟, 但我覺得天橋既發明其實真係對人類社會有好大衝擊, 因為人類可以係天空上面行走, 將地面變成多層既開放世界. 當睇到一D未來世界等等既科幻故事, 城市經常被描繪成有好多層既天橋, 證明人類對SKY WALK既渴求.
此外, 佢亦有好大既實際功用, 如可以係同一個地點建構多個方向線, 又可以令人車分隔, 提升安全度及效率. 但當中有兩個唔好處(或者係好多政府都冇積極解決), 第一係佢好影響低層住戶既觀景, 第二係浪費左大部分既橋底空間
而係香港, 唔洗講, 佢一定將兩個缺點發揮到極致
自讚一下自己, 遠係六年多前, 我讀緊副學士城市規劃果陣, 其中一個PROJECT就係研究如何改善油麻地廟街區域, 當時我(全組得我)提出善用天橋底.
詳細係:
1) 橋底有大量空間, 與其放石頭搞到流浪者訓唔到, 不如用左做公共設施, 如公廁, 垃圾站, 單車或電單車停車場(部分天橋底已有), 然後本來果D地方用黎做其他野, 例如公園, 甚至房屋
(當然不能應用到所有天橋底)
2)綠化橋底, 使用攀緣植物, 既可以令灰沈既橋底美化, 又改善橋底空氣, 加上攀緣植物唔洗點打理, 好方便
當時呀SIR當然唔係好理, 但過左一年就開始有某D政黨提出用橋底做臨時住屋, 妖! 當時好多人反對, 認為用貨櫃放係橋底比人住當人乞丐咩, 咁呢點我就唔認同啦, 我係台中住果兩個星期都係住貨櫃, 不知幾爽, 又環保
講橋面啦, 其實係香港島近西區果頭D天橋好多人, 所以橋都好寬, 柱粗所以可以放廣告牌, 呀~我又覺得WORK蝸, 如果天橋上面有廣告位, 幫補下, 用錢黎改善或保養番條橋你話幾好, 不過其實天橋係邊個管? 係咪路政署呢?
到橋頂, 有兩大方面, 簡單講就係放一D:
1)發電工具 (太陽能/風能), 可以令天橋及附近街燈發電
2)植物 , 可以令住附近高層帶來較好觀感
就係咁, 天橋滿佈成個城市, 改善好D, 我相信整個香港都會多左正能量架~~
沒有留言:
張貼留言