忽然想係度提提一套神般既電影, 我上網見到好多人都睇過, 但係問我身邊既朋友就一個都冇聽過呢套電影, 實在令我費解. 呢套就係<Man from Earth>(來自地球的男人)
WIKI: https://en.wikipedia.org/wiki/The_Man_from_Earth
我第一次搵到既時候係5,6年前左右用PPTV睇(SORRY), 當時係悶到想搵D災難片睇, 睇下D轟轟呯呯, 咁呢個POSTER睇落去都似講D神神化化野, 於是就開黎睇
電影最重要都係頭10分鐘, 好睇就睇落去, 唔好睇就關, 佢呢10分鐘就已經好清淅表達左成套戲既核心內容 [不辭而別的男主角John Oldman自稱出生於舊石器時代並生存至今]
(克羅馬儂人: https://zh.wikipedia.org/wiki/%E5%85%8B%E7%BE%85%E9%A6%AC%E5%84%82%E4%BA%BA)
咁係大廳度, 佢地互相對話, 冇錯, 只係互相對話, 但絕對唔係普通既應對, 好似果D所謂專業既電視劇或者舞台劇既劇本對話. 而係係以邏輯同學術既對話:
有以生物學: 人到底有冇可能長生不老?
有以歷史學: Oldman所講既野符合歷史否?
有以考古學: Oldman所持有既物品係咪真係古董? (通常都係未公開過既文物)
另有一個耶撚藝術教授講左好多普通人反應既野~
詳細係點自己睇
我睇果陣都覺得迷落去, 但回神過黎諗已經睇左一個鐘頭, 點解好似未入戲玉? 笑話, 置身當中又點會察覺.
成套戲比人感覺係科幻, 但佢唔係用幾千萬既電腦特效做出視覺上既科幻, 而係用最原始, 用語言(編劇)引導觀眾去思考, 往往最基本的元素才會做出最傳奇既成果.
另外導演都做左樣好重要既野, 因為場景其實得3個, 屋內(大廳, 房), 馬路, 屋外停車場, 都係一D背景唔移動既地方, 為左比動感觀眾, 佢加左火爐, 演員走動(拎野飲拎野食/ 工作人員拎走傢俬)等等. 令到我地除左聽對白之外, 亦感受到當中既活力
如果想睇, 其實YOUTUBE有得睇, 但我唔貼LINK啦, 自己SEARCH<來自地球的男人>
沒有留言:
張貼留言