早幾日因為大學同學相約到大學呀SIR屋企一聚慶聖誕同食火雞，去到坑口站B出口，唔知係咪之前留意多左視障人士有關既設施，我即刻覺得唔對勁~
一般黎講，點字地圖主要都係比視障人士(其他人都睇得既)，咁通常都分有聲同無聲呢兩個種類，係地鐵範圍入面既點字地圖大多(因為我未去親身確認)都係有聲，的確係方便左好多視障人士自己了解有關資訊。
雖然係有聲，但正常情況下，如果你唔係視障武林高手，好似金毛獅王咁，又或者其他識用聲納既生物或機械，基本上你冇一條正確既引路徑，視障人士都需花D時間先可以搵到果個地圖去用。而以上既問題正正出現係坑口地鐵站B出口，我亦唔排除仲有其他地方有同樣問題。
我對呢D大公司肯用無障礙設施去方便唔同需要既人呢一點表示歡迎，不過記得要細心D囉~
*有關意見將SD到港鐵囉，希望加番幾塊引路徑，唔會造成加價壓力啦~
如果大家同我一樣屎忽行又唔想R，又想向港鐵提出意見可到:
http://www.mtr.com.hk/ch/customer/main/contact_us.html
------------------------------------------------
Follow-Up
港鐵於2016年1月4日回覆，內容如下:
「本公司接獲您提交的網上意見表，就港鐵車站視障人士設施提出意見。現時，相關的觸覺車站佈置圖有音樂提示，方便視障人士識別其位置。儘管如此，我們十分明白您的關注，並已轉達您的意見予相關部門備悉，以作參考。」
雖然回左我，但...到底會唔會做 / 幾時做 又係另一回事
沒有留言:
張貼留言