我日日都要搭港鐵，曾幾何時都做過港鐵既客戶服務中心，所以對港鐵有好多意見都係一件正常既事。話說我地新界西呢邊既西鐵線有所謂的全月通，用處係係購買月既全部日子入面，指定既西鐵線範圍、所有輕鐵線、所有港鐵接駁巴士都可搭無限次。
一般黎講全月通分四種:
1)由第一個月一直連續買到宜家既(屯門至南昌)
2)由第一個月一直連續買到宜家但轉左做(屯門至紅磡)
3)(屯門至南昌)
4)(屯門至紅磡)
咁每月頭尾共14天都是西鐵線售賣全月通的日子，買家必須到各站的客戶服務中心購買，導致該幾天的上下班時間都在閘外大排長龍，同時亦增加了其他需要的顧客的等待時間，包括八達通失效、增值、購買全日通等等。
為有效提升服務效率，本人建議港鐵公司新增網上客戶服務以供購買月票:
1)市民先在港鐵網上登記成為會員
2)輸入所屬八達通號碼 (個人八達通更佳)
3)經由信用卡過數
此外，網上客戶服務亦可用於其他港鐵服務，例如購買紀念品等等。
好心到2016年，政府講緊創新科技，但自己擁有既公司連卅年前既科技都冇，點得呀?
其實呢個做法對佢地都有好處啦，因為港鐵亦可取得大量數據作分析以「提升服務效率」或者做其他野。
以上呢點我已SD比港鐵，檔案編號為「201601/OW6818」
--------------------------------------------------
港鐵係16年1月19日回覆:
"希望你能理解，本公司所推出的各種車票產品是針對不同鐵路綫及乘客群所需，方便沿綫居民及經常出入相關地區的乘客購買，因此我們安排不同月票產品在相關車票可使用的路綫及車站範圍內發售。所有全月通加強版可於前一個月最後7天至當月首7天購買，乘客可按需要於該14天內前往客務中心（閘外區域）購票，而個別車站亦會因應需要安排額外人手協助，相信此已可照顧乘客需要。
儘管如此，我們十分明白您的關注，並已將您的意見轉達相關部門備悉，以作參考。"
好白痴，宜家就係同你講加左人手都咁多人排隊呀嘛，是否ON9?
再加上不同產品都可以用網上服務啦，只要個系統寫得好，根本冇問題，保險同銀行既產品仲多過你港鐵啦，咪一樣有網上服務。再者，開一個咁既系統，我諗都唔洗650億再要問政府追加撥款掛。
沒有留言:
張貼留言