話說兩年前冇野做既時候, 我打左幾份原本諗住用黎拍電影既劇本, 不過第一份唔係原創, 而係擴充<爆漫王>入面既其中一話既漫畫<真實的教室> (即係係故仔入面果個上網一大班人一齊諗果個漫畫)
PART1
(一開始係<SAW>既畫面)
皮: 哼
媽: (拍門) (VO)喂! 亞皮, 你又通宵打機唔訓覺, 作死呀!
皮: 冇呀
媽: (VO) 仲話冇! 開到鬼死咁大聲, 噪住晒
皮: 咁又點呀
媽: (VO) 嘥晒D電呀, 你知唔知道幾多錢電費呀!
皮: 呀! 好煩呀呀, 我宜家番學, 得未呀
媽: (VO) 你做好你D功課未呀, 都中五啦仲細呀, 竟然要老師打黎同我講呢個問題, 你羞唔羞呀?
皮: 咪話宜家番去囉(細聲)唔早D番去邊度有得抄呀
媽: (VO) 講咩呀你
(畫面皮行去巴士站)
皮: 晨早流流就噪喧巴閉, 煩唔煩呀
(畫面友係對面巴士站, 望到過黎, 友係對面揮手, 皮樣子無奈)
(皮踏出一步, 有架車響安, 皮定左)
司機: 屌!睇車啦, 想死就去第二度啦!
皮: SORRY呀 (急急腳走)
友: 嘩, 你小心D睇車呀嘛
皮: …
友: 做咩呀, 咁冇精神既
皮: 尋晚都冇訓過
友: 咁你仲咁早出黎, 唔訓多陣?
皮: 心知啦, HAHA~你又咁早既?
友: 一樣呀
(畫面巴士到站, 兩人上車)
友: 哈哈, 你呀媽又鬧你呀?
皮: 係呀, 我都咁大個啦, 管咁多做咩呀
友: 關心你姐
皮: 最弊係唔知邊個MISS定呀SIR打比佢講我冇交功課姐, 你估宜家小學咩
(過左一陣)
皮: 係呢, 呀友, 你話啦, 如果你同我比人捉左去密室入面, 你會唔會犧牲自己黎救我?
友: 你講<SAW>?
皮: 你有睇呀, 我尋晚無聊睇左成晚
友: 無聊就自己打丁啦, 睇SAW咁傻仔
皮: 你估我係你咩, 打丁傷龍體呀
友: 哈哈…
皮: 會唔會姐?
友: 你呢個問題好GAY蝸
皮: …
友: 一世人兩兄弟呀….
皮: 都係唔救呢..~!?
友: HAHA~點會呀, 睇情況啦~
皮: 唉~估到啦, 心淡啦
友: 我地都唔會發生D咁既事啦~你驚呀, HAHA~
皮: 哼…要驚麼?
友: 拿, 咁如果…
皮: 唔!?
友: 如果係呀玲同你比人困係密室, 你會唔會鋸左自己隻腳, 然後出去搵人救呀?
皮: 你講咩呀?
友: 哦~面都紅, 男人老狗咁純情, 咁又係, 你女神蝸, 一定成日幻想同佢係密室, 不過唔係玩恐怖遊戲, 係玩成人遊戲呢
皮: 呵呵~好好笑呀(認真)
(畫面車經過比較繁忙有人上班既地方)
皮: (有少少呆) 友
友: 唔, 做咩呀? 咁嚴肅, 嘩…唔咪同我示愛呀, 我未準備好蝸
皮: 白痴, 我有女神架啦
友: 啊~認啦咩
皮: 喂
友: 點呀, 做咩呀？
皮: 我地真係要咁樣落去?
友: 點樣落去呀?
皮: 中學畢業之後大學, 讀完就好似其他人咁每日番工放工, 搵極都係雞碎咁多
友: 呢個社會係咁架啦, 你宜家都係咁架, 日日番學放學
皮: 都唔同
友: 學校咪就係呢個社會既縮影, 人人都係咁架
皮: 就係人人都係咁, 唔係好有問題咩, 理所當然唔代表正確架
友: 唉~呢點的確, 我都想做D特別D既野, 但係要我地可以做到D咩姐
皮: 呀~~唔知呀~~~咩都唔知呀, 只係想特別D, 就算係恐怖既或者危險既都冇所謂啦
友: (打比個頭一下)傻架咩, 恐怖同危險? 我寧願平安咁過普通生活算啦
(畫面比同友行入班房, 好多人抄緊功課, 玩緊)
友: 睇黎我地都唔係最早蝸
皮: 唔早D邊有時間抄功課呀?
友: 哈哈
(畫面友拍一拍比)
友: 你女神呀
皮: 唔好咁多野講啦
(小美拎住早餐)
美: 呀友~
友: 哦~
美: 早晨呀, 呀皮
皮: 哦, 早呀
美: 友, 我買左早餐比你呀, HAHA
友: (摸小美頭) 乖乖豬, 你做好功課未呀?
美: 已經放左係你台面啦
友: 叻女~
美: HEHE~
皮: 快D借埋黎比我啦
友: 唔得蝸
皮: !?
會長: (番到黎, 望一望周圍, 同皮講) 洗唔洗借我果份比你呀
皮: 會長!
友: 呀, 唔洗啦唔洗啦 (拉開皮)
會長: …
皮: 做咩呀?
友: 唔好問呢條友, 借野啦
皮: 點解呀
友: 總之睇見都唔中意
皮: …咁你借野比我呀
友: HAHA, 你要借就問你女神果本啦
皮: 下(望一望玲, 被友推左下)
(皮走到玲面前)
玲: 呀皮, 早晨呀
皮: 呀! 早晨呀
(有個男同學瞪一瞪)
皮: …你…做好功課未呀?
玲: (甜笑, 遞功課比皮) 拿~借比你呀
皮: 唔該晒你呀, HA~(坐番位)
友: (坐係旁邊) 咪幾好, 借到啦
皮: 唔好同我講野呀, 仲話兄弟, 借功課黎抄都唔得
友: 唉~多左個女女, 就少一個兄弟
皮: 得啦得啦, 抄野啦下
(畫面大家繼續抄野, 夠中, 老師準備關門)
同學: 等埋呀!
老師: 你下次再去到咁敏, 我當你遲到架 (關門) 好啦, 我地宜家開始上堂
皮: (抄野)咁快開始
友: 係囉, 都未抄晒
老師: 喂喂, 你地兩個做緊咩呀?
友, 皮: …
老師: 呀~呀友呀, 你仲自己掉左位呀 (向前踏步)
(畫面: 成個班房震左一震)
老師: 發生咩事呀?
同學: 哇…
PART1 完 
沒有留言:
張貼留言