呢一PART係抄番原版, 只係我用左劇本果個寫法打番出黎
PART2
(畫面: 成個班房震左一震)
老師: 發生咩事呀?
同學: 哇…
呀…
係地震…!
但係有咁短時間既地震架咩?
痴線架咩, 呢度香港黎架.!
老師: 冇事既, 大家坐番底先!
同學: 係咪爆炸呀…
都冇煙
皮: 到底發生咩事?
(畫面: 校咪發出咔噠聲)
咪聲: 歡迎大家黎到呢個班房, 大家都好乖呢, 冇人遲到
同學: 啊?/ 佢講咩呀?
咪聲: 今堂係特別堂, 真實之屋
(畫面大家都好迷茫)
咪聲: 我既名叫做…耶和華?呀拉? 簡單D…叫我做神
友: 佢到底講咩呀..?
咪聲: 我要5C班既所有同學同班主任參加一個生存遊戲
老師: (行向門口) 咁冇聊既惡作劇係邊個做 (想拉開門) 一定捉去見訓導
(畫面: 老師開唔到門)
老師: E… (緊張) 點解? (用力拉)點解?
(畫面有同學幫手拉都拉唔到, 之後老師望住學生)
學生: (試拉窗) 老師, D窗都打唔開呀
咪聲: 唯一可以走出呢間房既係最後仲生存緊既果一個人
同學: 呀!!! (同學都幫手拉開窗同門)
(有人用丟台登都爆唔開) 點解咁都唔爛架?
我地出唔到去啦
到底發生咩事?
(畫面同學同老師開始冷靜)
同學: 呼…
我地困左係呢度呀?
如果只係困係呢度就好啦
不過連窗同門都打唔爛唔係好奇怪咩?
咪聲: 睇黎你地已經逐漸冷靜落黎啦蝸
老師: 唔緊要架, 外面會有人黎救我地架
咪聲: 咁係冇可能架, 呢間屋既時間已經停左啦, 只有最後生存果個人走出呢個班房既時候, 時間先會恢復原狀
老師: 你當我傻架? 咁荒謬既野, 我…我地又點會信呀!!!
同學: (拎電話出黎) 我去報警
我都打番屋企
(畫面電話收唔到)
同學: 電話收唔到!!
(畫面同學驚訝, 全部都拎電話出黎, 都係收唔到)
比: 點解會咁架? 平時應該收爆架蝸
同學: 喂, 你地睇下果度
(畫面比同其他同學都望果去)
同學: (果個同學指住窗外面) 睇下出面D人
(畫面所有人都好驚)
老師: (傻笑) 哈哈哈~呢個惡作劇真係玩得幾好呀
同學: 冇錯, 係邊間電視台? 無記? 維基?
部鏡係邊呀? 係咪影緊我地?
好好玩呀? 快D放我地出去呀, 你知唔知我呀爸係…(被攔停)
咪聲: 喂!喂!喂!喂!喂! 唉…真係冇辦法, 但係…跟住落黎既事, 你唔信都唔得啦
(畫面同學:啊)
咪聲: 宜家, 第一ROUND遊戲…開始!!!! 「無論係邊個人, 只要做左果件事就會消失, 最後冇死果一個就可以就出呢間屋
(畫面靜左一陣)
同學: 下?
就係咁多?
果件事即係咩事?
喂…神, 唔明呀, 同我地解釋一下規則
如果唔係我地點玩呀?
咪聲: 你地一陣就會明架啦, 請好好加油, 爭取成為最後果個生還者啦
(畫面: 校咪發出咔噠聲)
同學: 發生咩事呀?
呢個係惡作劇啦掛?
但係我地真係困左係度蝸
我要番屋企呀!
老師: 冷靜! 我地宜家應該團結起黎, 爭取離開呢間房!....呀!
(畫面同學察覺到D野)
(畫面老師完全消失, 剩底衫褲)
咪聲:第一個人消失啦, 駱SIR死左啦, 仲剩底37人
比: 消失左!?
同學: (驚) 呀SIR消失左
皮: 點解會咁? 完全唔合邏輯? 先係香港地震, 之後被困, 時間停止, 宜家…駱SIR消失左….!?
(畫面老師D衫有聲傳出)
聲: 如果呢件事係真既話, 我一定要諗辦法殺死晒所有學生, 然後…
同學: 啊! 係駱SIR把聲
咩話? 殺死我地!?
佢真係咁諗
班長: 如果你講左大話就會消失, 然後真實既諗法就會被講出黎
宇: 班長, 你係度講咩呀, 點會有可能呀!?......啊!
(畫面陳京宇消失)
咪聲: 第二人出局, 陳京宇死左啦, 仲有36人
(畫面陳京宇D衫有聲傳出)
聲: 白痴…做咩講出黎呀, 如果仲有人冇發現呢個規則, 就可以減少剩底既人
皮: 係…係真架? 唔理係唔係真係因為講左大話, D人真係係我地面前消失
友: 我地應該點樣走出去, 呢個仲只係第一局
麗: 雖然駱SIR同陳京宇消失左, 但係都冇屍體番底, 所以唔能夠肯定佢地已經被殺
浩: 係呀, 係呀, 話唔定佢地兩個已經番左出去, 係出面搵人救我地
皮: 原來係咁, 的確真呢個可能
(畫面王汶麗同周浩消失左)
皮: 啊!
咪聲: 第三同第四個失敗者係王汶麗同周浩, 剩底34人
(畫面王汶麗同周浩D衫有聲傳出)
聲: 就算佢地出去都唔會救我地啦
聲: 會唔會真係有傻仔聽左我講之後想咁樣出去呢?
同學: 啊呀!
太過份啦!
佢自己先係傻仔!
哇~好恐怖呀
皮: 只…只要唔講野就得啦!
(畫面同學都望住皮)
皮: 唔出聲會比較好…
珊: 的而且確, 隨便亂講野只會被殺, 都係收聲好D…
皮: 係呀
(畫面羅凱珊消失左)
咪聲: 第五個消失既係羅凱珊同學, 剩底33人
(畫面羅凱珊D衫有聲傳出)
聲: 皮, 你唔好咁多爹啦, 如果佢地唔講野, 人數就唔會減少架啦
同學: 有冇搞錯呀!
皮: 大家, 都唔好再講野啦
同學: 嘩, 呀皮佢居然冇消失到, 即係…
相比起被殺果幾個
友: 呀皮唔係叫你地唔好再講多餘野咩, 宜家都未確認到係咪只係講大話先會死, 所以都係唔好出聲先會好D
同學: 明白啦….
(畫面靜左一陣)
咪聲: 唉…大家都唔出聲, 咁樣會好浪費時間, 個遊戲都繼續唔到
(畫面有同學以為可以唔洗玩所以微笑)
咪聲: 咁樣….DADADA~宜家就進入問答時間!!!
(畫面同學絕望)
咪聲: 唔..咁就由學生會會長梁志麟開始先啦
會長: …
咪聲: 點解你要自薦做學生會會長呢?
會長: (用手閉咀)(聲) 只要唔講野既話, 就…
咪聲: 如果唔係10秒內作答就會被殺死…
同學: 唔係呀嘛…
會長: 咁係因為…聽講只要做會長, 份CV就會變得好D
同學: 的而且確係有用既~
咪聲: 只係為左份CV咩?
會長: 因為好似比大家高1級, 好有快感~
同學: 嗚喔
佢傻架?
咪聲: 仲有呢…?
會長: 仲有…仲有可以以學生會名義隨便用學校比既錢去用
同學: 咁狗
咪聲: 哦~呢個係事實
同學: 事實…
會長: 冇…冇事啦 (放心)
同學: 會長! 你條友太過份啦
唔怪得你有咁多錢買野比你女朋友啦
太過份啦
會長: 收聲呀你地, 總好過死呀
同學: 嗚…你仲好意思大大聲講
你咁做同詐騙有咩分別?
我一定會報警架
會長: 哈哈哈哈哈~
同學: 有咩咁好笑呀!?
會長: 反正只有1個人可以出到去, 只要果個係我, 我係呢度講既野就唔會有人知, 所以不如老實咁答, 無論點都要離開呢間房, 哈哈哈哈~
咪聲: 咁跟住就到副會長蔡佩玲同學
玲: 下…
皮: 呀玲
咪聲: 你都係自薦做副會長, 咁你又係咩事自薦呢?
玲: 咁…咁係為左咁多位同學
皮: 玲, 講真話會好D呀!
同學: 係囉, 唔好講呢D大話啦
玲: 係為左全校同學, 爭取更多利益, 創造出一個更好既學習環境而出一分力!
同學: 玲, 你個蠢才
(閉眼)呀…..
咪聲: 呢個係事實
同學: 哦哦哦
果然係好人
宜家仲有D咁既人
玲: 亞皮, 多謝你咁關心我呀
皮: 嗯…
同學: 咁咪即係最誠實既人先可以留番係度
會係咁樣落去
早知我地宜家就比人玩緊啦
佢只係享受緊人地暴露本性果陣既快感
但係講左大話就會死, 咁緊係KEEP住講真話啦
皮: 平時的確係會咁諗, 但係一直咁樣去, 認為死左比較好既人都會出現
同學: 如果一直咁困係呢度, 我地會唔會餓死架
下…
咪聲: 哦~咁跟住落黎, 要問下男同學啦, 跟學號咁問
同學: 今次係跟學號..!?
咪聲: 首先係2號既陳子健同學
健: 下….
咪聲: 5月27日李綺雯同學係練完波之後, 底衫褲比人偷左
雯: (羞) 果然係比人偷左
咪聲: 係你偷架嘛?
健: 唔…唔係呀, 我偷底衫褲仲咩呀?
雯: 陳子健, 你係唔係咁變態呀?
健: 真係唔係我呀
咪聲: 呢個係事實!
雯: 啊…呀健, 對唔住呀
健: 唉…冇所謂啦
咪聲: 4號同學, 陳嘉良, 同樣既問題, 係唔係你偷架?
良: 唔係我呀
咪聲: 呢個係事實
軒: (VO) 再咁落去就大穫啦
咪聲: 16號同學, 張焯彬, 同樣問題
彬: 唔係我
咪聲: 呢個係事實
彬: 好彩仲係同一個問題
咪聲: 下個…(同時)
軒: (VO) 再咁落去, 好快就到我
咪聲: 之後到29號….
軒: (嘂) 大…大家聽我講, 我…其實係大大家一年, 我已經18歲架啦
同學: 葉文軒, 你係度講咩呀?
咪聲: 葉文軒同學, 打算亂咁講D野尋死就唔得呢, 因為咁個係你真心想消失, 所以我唔承認呢
軒: 咩話…
同學: 居然突登講大話尋死
李綺雯D底衫褲係偷啦
嘩…變態仔, 真係唔死都唔得
咪聲: 無論如何都想死既話, 一係就自行了斷, 一係就等其他人殺死你
同學: 殺人…點可以做D咁既野?
自己講大話死都唔得
咁主動講大話都可以唔洗死啦掛
緊係唔係啦, 係真心想死而講大話先唔會死, 真心想死呢件事真係做到咩?
如果真心咁諗的話, 下次就死唔到架啦
咪聲: 唉啦啦~辛苦晒咁多位, 所有人既提問都問完啦, 唔…宜家仲有幾多人? 單數定雙數?
同學: 你自己唔係講過剩低27人咩?
咪聲: 的確講過呢
PART2 完
沒有留言:
張貼留言