繼續第3 PART既真實的教室, 不過宜家開始係我續寫, 所以好明顯風格差幾級
PART3
咪聲: 咁由宜家起, 唔該大家兩人一組成一對
同學: 一對?
唔係講左係單數咩?
咪聲: 哦~係呢…咁…多出黎果個就會死!
同學: 有冇搞錯呀?
今次係冇朋友既人就會死呀?
咪聲: 一D都唔過份呀, 剩落黎果個組合, 兩個人都可以離開呢間房
同學: 最初明明話得一個人, 宜家居然改規則
咪聲: 係呀, 只要我中意, 可以任我改規則
友: 真係當我地條命係玩具!?
玲: 亞皮, 同我…
皮: 係玲呀, 嗯, 我地組隊啦
(畫面同學各自各組隊)
虹: 同我一組啦, 楊震輝
輝: 如果得兩個人出到去, 我就唔選你啦, 肥婆
同學: 有邊個同我呀….
咪聲: 呀係啦, 呢局遊戲係二人一組既, 咁所以組合入面其中一人死左既話, 佢既隊友都會出局~
同學: 哇…我唔可以同D咁蠢既人一組
總之…唔快D組隊就會被殺架啦, 邊個都好啦, 同我…同我…
軒: 小虹, 同我同組啦
虹: 痴線, 邊個要同你呢個鹹濕佬一齊呀
峰: 社小虹, 同我! 同我一組~
虹: 嗯
軒: 下… (望到會長) 梁志麟, 同我組隊啦…
會長: 放開我呀, 邊個要同你D咁既人組隊呀!?
軒: 點解呀? 我地唔係好朋友咩, 我地成日都一齊出街玩架
會長: (怒) 我點會同你呢D咁弱既人一組呀!
軒: 下..
會長: 因為最後肯定會演變到隊同隊之間既互相廝殺
同學: 互相廝殺!?
你係度講咩呀, 梁志麟?
會長:狗急跳場呀, 就算殺人都要生存落去, 呢D唔係理所當然咩!
同學: 呢個人太危險啦
一個唔小心就會比佢殺死
係啊
大家一齊按住佢, 綁住佢
會長: 停手呀!
(畫面會長比人綁住)
會長: 你地班偽善撚, 你估你地唔會咁做呀, 唔好同我講笑呀, 快D放左我呀
同學: 其實我地都唔洗咁做呀
係囉, 因為呢度根本冇人會同會長組隊
會長: (喊) 嗚哇….我唔想死
(畫面會長消失左)
同學: 哈哈哈~
好野~又過一關
抵佢死呀!
咪聲: 剩低26個人, 但係只係一個人輸又真係有D唔盡興呢
同學: 今次又要點呀
玩夠未呀?
咪聲: 喂喂~我地應該挑戰下難度嘛
同學: 冇D咁既需要
我只係想走出去炸
咪聲: 宜家我要你地繼續兩人一組, 但係…要一男一女!
同學: 下…
唔公平呀, 宜家男多過女咁多
輝: 呀…早知就同肥婆一組, 宜家我地點算
(畫面有男同學開始打第二D分左組既男同學)
同學: 你係度做咩呀
只要殺左佢, 我就可以同呀玲同組啦
你傻左咩, 點可以咁做架!?
唔咁做都唔得啦, 你睇下宜家, 我地得8個女仔炸
即係有10個男仔要死?
唔得呀, 我唔要死呀!!!
(畫面有人捉開玲)
玲: 呀, 亞皮!!!
皮: 玲!
(畫面皮想追既時候, 比人捉住)
皮: 放手呀!!!放開佢呀
(畫面皮比人打)
友: 亞皮!
(畫面友跑過黎幫打, 美救玲)
(畫面突然雅思尖叫)
(畫面其他人停手望過去果邊個女仔)
雅思: 點解你要…? (倒下)
詠欣: 哈哈哈~咁你都唔明, 宜家係減少人數既最好時機, 只要殺一個女仔就會死兩個人
(畫面其他人想上前阻止, 但佢揮刀, 其他人避開, 再跳前又殺多個)
同學: 快D搵人阻止佢呀, 如果唔係越死越多人呀!!
(畫面果個同學比人捉住)
同學: 呢條女變態架
快D殺左佢
唔可以架, 如果係咁又多左個人會係今局死架啦
呀~快D綁住佢呀
(畫面果個同學被綁)
同學: 咁樣就可以啦
但係仲係要死好多人呀, 有冇辦法呀?
宜家…宜家咁咪即係要死12個
成一半人咁多…
呀……!!!我唔要死
(畫面有人用登打死左兩個男仔)
同學: 仲係度浪費時間
搶呀!!!
(畫面: 一場打鬥, 友同皮都被卷入, 最後為左保護玲, 比差D就殺果個人)
皮: 死啦!!(拎起張登)
玲: (同友一齊捉住比對手) 已經夠啦, 停手呀
友: 係呀, 亞比, 你唔洗殺佢架啦
皮: (望一望周圍, 12個人已經死左, 有人係度喊, 有人鬆一口氣) …
(畫面比放底張櫈)
皮: (望一望自己對手, 閃一閃朝早差D比車撞既影像) 呀…我…
友: 唔關你事架, 你只係想保護呀玲同自己姐
玲: 對唔住呀..
(皮呆了)
沒有留言:
張貼留言