召喚王003 - 召喚師數據分析(一)等級比較

26-3-2020

召喚王係香港興起果陣我讀緊小五，好多卡都係靠朋友或者同學送，到後來有錢就轉左會去遊戲王，到大左又難買，宜家佢停左冇出，公司都執埋笠，咁我地就可以當歷史文物咁睇佢既FULL SET，了解佢當中既一D事。

簡單講佢分左五個篇章：格里夫、莫哥拿、宇宙、米多羅、尼奧斯，每個篇都有唔同，分咁多個篇係佢既特色之一，亦係佢敗筆既地方。卡種入面亦分三大類：召喚師、基本卡、場地卡，基本卡入面又分幾個類，所以最易既係先分析下召喚師既情況。

P.S.資料來源係www.mozthegathering.com

X軸應為等級，不是屬性

第一個要睇睇既係等級(LV)，由於有D卡係有分B版C版，大部分既都係同一張卡但係異圖卡，所以係分析上會扣左出黎。先從以上總圖係睇成個召喚王既等級分佈，可以睇到有九個等級：0、1、2、3、4、5、6、7、無限，排列次序由多至少係等級3、6、5、1、7、2、4、無限、0。

入DECK既召喚師都有數量上既限制
LV0~2最少要入一
LV3~4最少要入一
LV5最多入一
LV6最多入一
LV7~無限最多入一

可以理解做假如玩家冇LV5或以上既卡，係選擇上會入多D多召喚屬性既LV3~4，所以會最多係呢兩個LV既召喚。同樣原因第二最多係LV0~2。而因為餘下既三個群組最多入一，所以佢地係數量上都係平衡係140個左右。另外可能係平衡既關係，LV2同LV4係最少。

下面開始就係每個篇章各自既數據：

格里夫

X軸應為等級，不是屬性(格里夫)

呢一個篇章係唯一有齊咁多個LV既一篇，唯一既LV0就係漫畫主角雷克斯。三個LV無限係指兩個角色哥斯達同巴扎治(第三張就係真巴扎治)。呢一篇最多就係LV7，原因係因為有弗系列(火、水、大地、大氣、森、闍、光、機械、黃金)共九張，所以嚴格黎講只有LV3既召喚師係OVER 20個角色。同時扣減LV0同無限既特殊群組，LV2係最少。

莫哥拿

X軸應為等級，不是屬性(莫哥拿)

呢一篇因為冇弗，所以好明顯LV7既數量係減少左好多，同時多左幾個軍團，係軍團入面低LV既角色數量比較多，另玩家感覺上多左選擇，所以分佈上比起格里夫係有少少偏向低LV既多DD。同樣地都係LV2既召喚師最少。

宇宙

X軸應為等級，不是屬性(宇宙)

第三篇LV無限大平賣，數目急升至雙位數，亦係最多LV無限既一篇，同一時間召喚師既數目多左接近一倍。另一方面LV0~LV2既群組佔既比率係少左5%，LV5、6、7既群組多左80~100%。

米多羅

X軸應為等級，不是屬性(米多羅)

米多羅應該係召喚王既全盛時期，係日本版最後一篇，已我竟然冇玩呢一章，SAD。宜家想買的話平均計應該係五章入面最貴，而呢一章有好多變化，例如多左唔同既RARE度，多左W屬性同其他新屬性等等。召喚師數目進一步上升，原因可能係多左新屬性，就多左新屬性既召喚師。有趣既係LV2同LV4急降至單位數，彷彿好似得番五個LV咁。

尼奧斯

X軸應為等級，不是屬性(尼奧斯)

最後一篇只有香港先有，新增既場地卡嚴重破壞遊戲平衡性，即使多左軍團召喚師可加上其他篇章同一軍團既召喚師，同時香港玩家開始多玩其他日文卡GAME，召喚王從此沒落。由於出既時間短，召喚師數目跌番一半，係最少既一篇，LV無限甚至只有一張札魯瑪∞：魔神帝團。LV2既數目第一次多過LV1同LV7。呢一章既編號除左NS，亦有PR，係唯一一篇有兩種編號。而近800多個召喚師既最後一位就係PR020達達．基魯基魯：龍騎士。

今次比較黎到呢度，BTW我係LV1召喚師~