27-3-2020
第二篇召喚王數據分析係分析召喚師既性別分佈，過往學校只會話我地知性別只有男同女，呢隻卡GAME就話你知仲有「?」性別。
P.S.資料來源係
www.mozthegathering.com
由上面總圖睇就知道召喚師係一個麻甩既世界，有70.5%係男性。?性別包含好多唔同角色，但咁多個篇章既弗系列有13個，佔左?性別26%。當時可能係因為對象係男小學生，所以整咁多男性角色，如果佢整多D女性角色，可能可以吸引多D大多少少既玩家玩都唔出奇。
格里夫
最頭呢個篇既性別分佈同總數分佈杷近，由於格里夫有九個弗角色而係佢地都係?性別。另外有四個係古靈精怪樣，其中一個係MR.佐佐木，WHAT?原來叫「MR.」都唔一定係男性。最後一個係菲莉：魔導眾，的確從圖樣真係分唔出男女。
莫哥拿
呢一篇女性多左好多，如果照呢個勢頭，本來可以慢慢平衡番個男女比例，但後來都係打回原形。呢一篇?性別少左好多得三個，兩個係外星人，一個係全身包住，所以分唔出。
宇宙
黎到宇宙篇，女性角色數量上分別不大，但比例上不足20%。「?性別」都係睇唔到樣既多，但弗：究極之面具明明係漫畫入面講佢係露露‧芭比個老豆都係?性別呢個真係唔合理。
米多羅
黎呢一章開始多番舊角色重新出，但考慮到雖然同一個名，但好多野都唔同，所以都係當佢地係唔同角色。呢一篇21個?性別入面有19個都係無屬性，其中有個達斯：變身客張圖點睇都係男，OH~可能係因為佢係變身客，識變身，變男變女變?都得就定義為?性別啦。
尼奧斯
尼奧斯篇只有一個?性別叫顧利：占星術師，只有一個係?性別既原因極有可能係因為呢一章係香港設計，而香港人多數都比諗野二元對立，所以諗性別果陣，唔係男就係女，作到咁上下「呀！之前仲有個?性別」之後就係咁易作一個出黎。
BTW我係男召喚師
沒有留言:
張貼留言