召喚王005 - 召喚師數據分析(三)年齡比較

28-3-2020

年齡好明顯係對一隻卡game會做明一個影響，今次我將召喚師年齡平均以每十歲一個組別，只有第一個組別0~10歲有十一個歲數，另外有兩個組別比較範圍大，就係over120歲同？歲呢兩個組別。

就下圖顯示有一個好明顯既大u形，召喚師集中係圖既左右兩則，當然？歲係一個特別既組別，但唔計佢的話over120既組別數都係比中年同老年既召喚師多。從呢個u我哋可以估計為左玩家有代入感，所以要集中係30歲或以下既角色。同時永遠都有仙人、高手等呢啲角色幫助主角，所以over120呢個組別都會有番咁多少少數目。至於？歲初步估係因為呢個遊戲係大貝獸物語，貝獸通常都唔係用人類計法，所以就？歲啦。

呢個U形既表現相當有趣，係NETFILX既100 HUMANS S1入面有一集係關於唔同年齡層人士既行動力同創造力，當時亦都見到係類似咁樣既U形，當然佢地只有20S、30S、40S、50S同60S五組別，會有少少唔同。

x軸應為歲數

下面就開始每篇分開睇。

P.S.資料來源係www.mozthegathering.com

格里夫

Y軸應為歲數

呢一篇通常都定左成隻game既大方向，但今次由於係中間71~80呢個組別叫做多，同over120呢個組別數目都係7個，所以今次係異常地出現一個W形，成為有最多中層年齡既一個篇章。果7個異類分別係Dr 凱天、拉柯奇複製人１號、拉柯奇複製人３號、Dr 拉柯奇、積尼姆、拉柯奇複製人５號、拉柯奇複製人146號......WTF?原來係Dr 拉柯奇搞鬼先有咁多。
另一方面，?歲既召喚師分三大類黎講都係貝獸、弗系列同魔導眾果幾個中高BOSS。


莫哥拿

Y軸應為歲數

呢一篇係年齡上集中係三個組別：11~20、21~30同?歲。三個都係28個召喚師，而呢三個組別既人已經佔左成篇入面六成以上。

宇宙

Y軸應為歲數

黎到宇宙篇，?歲既召喚師多左成倍，亦係五篇入面最多?歲組別既一篇，當我估係因為呢一篇多左好多外星人，點知睇番入面原來有3X個都係非外星人既軍團人士同各操縱師，當中包括劍人黨、星一族、鬼道眾、外星客、毒毒連、小丑、獸操縱師、鳥操縱師、黑魔術師、白魔術師、人偶操縱師。同時有一個組別101~120出現0位呢個現象。

米多羅

Y軸應為歲數

米多羅呢篇11~20多番召喚師，同時51~60、71~80、81~90呢三個組別都係0位，令到U形更加明顯，不過係班「中年」入面奇特咁有一個61~70既召喚師係68歲既巴古迪，真係寂寞既奇蹟大師。

尼奧斯

Y軸應為歲數

最後一篇既年齡集中係11~20歲，應該係想吸引番呢個年齡層人玩，亦都可能係為左呢個篇章既故事發展。由於過度集中係年輕組別，?歲係第一次唔係最多一組既一次，而且比21~30呢組仲要少。

另外唔計?歲，係實際有年齡既最多五個組別入面共602人(75%)，居然有三個歲數係冇，分別係5歲、39歲同49歲。連0歲(MS118蘇非狄)都有，竟然冇呢幾個。

btw我宜家仲係21~30呢個組別。