召喚王006 - 召喚師數據分析(四)屬性比較

1-4-2020

召喚王呢個遊戲分左好多種唔同既屬性，正正有咁多個屬性就配對到唔同既組合以增加遊戲既有趣度，自宇宙篇起每一個新篇都有自己新既屬性，到最後一篇呢個遊戲既屬性已經多達17種(包括W屬性)，不過召喚師並冇W屬性，所以只有16種。

就上圖黎睇，無屬性係最多，有121個。而最少係魔、次元同星，因為佢地只出現係個別篇章。不過同樣係只出現係個別篇章，雷屬性比前面三個屬性加埋都仲要多，比黃金、宇宙屬性都多，應該係米多羅既主角屬性。


P.S.資料來源係www.mozthegathering.com
格里夫

嚴格黎講，格里夫召喚師係得十種屬性，另加一種無屬性，到底無屬性係咪一種屬性就即係問緊透明係咪一種顏色或者零係咪一個自然數一樣。十一種召喚師分佈好平均，係機械屬性少DD，無屬性多DD。

莫哥拿

莫哥拿同格里夫一樣有十一種屬性，但分佈偏向左係火同水兩個屬性。而今篇既黃金屬性似乎唔係咁「受歡迎」，只得7個，有趣既係呢7個黃金屬性既召喚師分別係耶魯哥(LV1)、金喀特(LV2)、蛇男(LV3)、絲路娜(LV4)、瑩(LV5)、暗影人：闇外道(LV6)同埋金女士(LV7)，岩岩係正常果7個LV入面每個LV都有一個。之後到光同大氣係第二少，兩個屬性都係得9個。

宇宙

到第三篇諗住多左個宇宙屬性就實係主角啦，點知都係比無屬性(46個)大幅拋離，其中仲要有11個係LV無限，包括呢一篇既兩個BOSS兆鬼(地獄大師)同埋古特‧格勒(G大師)。不過撇開無屬性，宇宙屬性都係多，有26個召喚師，基本上主觀咁睇呢26個入面有25個都似外星人，個個都眼大大，係除左弗：太陽之面具係人樣。


米多羅

米多羅篇又多左一個新屬性------雷！亦成為呢一篇入面最多召喚師屬性(44個)。相比之下上一篇既新屬性宇宙就跌到得9個。呢篇最少既係光屬性，同莫哥拿篇既黃金屬性一樣得7個，而且係每個LV得一個，分別係露‧拉(LV1)、絲露詠：T‧P(LV2)、洛吾．古(LV3)、露露．芭比：雷克斯軍團(LV4)、埃志．斯拉朗：力量團(LV5)、 但．絲娜露(LV6)同埋魯．靈(LV7)。


尼奧斯

最後香港篇多左三個新屬性：魔、次元、星。上兩篇既新屬性雷同宇宙仿佛冇出現過，直頭歸零。黃金、光同貝(又話大貝獸物語)成為最少數既三個屬性，只得六個，即係意味住呢個三個屬性連LV都唔齊，光同貝冇LV4，黃金就冇LV7。呢個篇最多屬性既召喚師係得十二個咁少，正正因為咁整體屬性既分佈都係算比較平均。

BTW如果FANS要出一個新篇章，覺得應該要加咩屬性？